1Maû 25:1 - ÎVUKU RÎA ÛVORO MWARO

¹ Mûthamaki Daudi na anene a hekarû nîmaathuurire avîcî amwe a Asafu, Hemani na Jeduthuni nîûndû wa ûtungati wa nyîmbo. Maakumagia Ngai-Mûnene magîtûmagîra indo cia kwina ciagathîtwe na ndigi, ngita na ithaani irîa ciaringithanagua. Mûtaratara wa andû acio na wîra ûrîa maarutaga nî ûyû:

1Maû 25:1 ပူးပေါင်းရင်းမြစ်များ

1Atha 10:12

Mûthamaki Solomoni nîwatûmîre mîtî îo ya mîthandari îrî itugî cia hekarû na cia nyomba ya mûthamaki. Nîwacokire agîtûmîra mîtî îo kûrûtha inanda na ngita cia andû arîa maainaga. Gûtirî mîtî ya mîthandari yacokire kwoneka rîngî nginya ûmûnthî.

2Atha 3:15

Nwatî rîu ndetereni mûvûri wa ngita.” Rîrîa mûvûri wa ngita aainire, vinya wa Ngai-Mûnene nîwatonyire kûrî Elisha,

1Maû 12:28

Zadoku aarî mûtongoria, mûndû mwîthî na njamba ya mbaara. Kuuma mûciî wao nîwathiîre na anene mîrongo îîrî na aîrî (22) a mbaara.

1Maû 13:8

Daudi na andû onthe nîmeinagia na vinya wao wonthe magîkumagia Ngai. Nîmaainaga makîvûraga indo cia kwina ta ngita, ndarama, ithaani irîa iringithanagua na tûrumbeta.

1Maû 15:28

Kwoguo andû onthe a Isiraeli nîmaavirire îthandûkû rîa kîrîkanîro Kîam Ngai-Mûnene Jerusalemu. Maathiîre makiugagîrîria nîûndû wa gîkeno na nîmaavuvaga tûrumbeta, coro, makîringithanagia ithaani, makinaga nyîmbo na ngita.

1Maû 23:2

Mûthamaki Daudi nîwagomanirie atongoria onthe a Isiraeli vamwe, athînjîri-Ngai na Alawi.

1Maû 25:2

Avîcî a Asafu arîa maatungataga hekarûrî maarî: Zakuri, Josefu, Nethania na Asharela. Mûnene wao aarî Asafu ûrîa waragia ndûmîrîri ya Ngai rîrîa mûthamaki amwatha.

1Maû 25:3

Avîcî a Jeduthuni nao maarî: Gedalia, Zeri, Jeshaia, Shimei, Hashabia na Matithia. Onthe maarî atandatû na mûnene wao aarî îthe. Maavunjagia ndûmîrîri ya Ngai-Mûnene makîmwinagîra na inanda nyîmbo cia gûcokia ngatho na kûmûkumia.

1Maû 25:9

Mîtî yaikua nîyagaanirie andû ikundi mîrongo îîrî na inya (24) wa gîkundi andû îkûmi na aîrî. Gîkundi Kîam mbere Kîamrî Kîam Josefu wa nyomba ya Asafu, gîa kaîrî Kîamrî Gedalia na andû ao.

1Maû 6:16

Avîcî a Lawi maarî athatû, nao maarî: Gerishomu, Kohathu, Merari.

1Maû 6:33

Aya marûmîrîrîte nî andû arîa maatungataga vamwe na njiarwa ciao. Mbarî ya Kohathu kwarî na Herimani na aarî mûtongoria. Herimani aarî mûvîcî wa Joeli, Joeli aarî mûvîcî wa Samueli.

1Maû 6:39

Kwarî na mûndû wîngî wetagwa Asafu ûrîa watethagîrîria Herimani. Nacio njiarwa ciake ciarûmanîrîrîte ta ûû: Asafu aarî mûvîcî wa Berekia, Berekia aarî mûvîcî wa Shimea.

1Maû 6:44

Mwena ûcio wîngî wa ûmotho kwarî na mbarî ya Merari. Nayo yatongoragua nî Ethani. Mbarî ya Merari yaumîte kûrî Lawi na maarûmanîrîrîte ta û: Ethani aarî mûvîcî wa Kishi, Kishi aarî mûvîcî wa Abudi, Abudi aarî mûvîcî wa Maluki,

1Maû 9:33

Alawi amwe maarî aini a nyîmbo. Atongoria a nyomba ciao maatûûraga tûnyombarî twa hekarû na matiagaagîrwa mawîra mengî nîûndû maarutaga wîra ûtukû na mûthenya.

2Maû 23:1

Mwakarî wa mûgwanja, mûthînjîri-Ngai Jehoiada nîweyûmîrîrie, akîrûtha ngwatanîro na anene a ikundi cia athigari magana a mbaara. Anene acio maarî: Azaria mûvîcî wa Jerohamu, Ishumaeli mûvîcî wa Jehohanani, Azaria mûvîcî wa Obedi, Maaseia mûvîcî wa Adaia na Elishafati mûvîcî wa Zikiri.

2Maû 23:13

Rîrîa aaroririe nîwonire mûthamaki arûngamîte mwenarî wa gîtugî Kîam mûromo wa hekarû. Anene a athigari a mbaara na andû arîa maavuvaga tûrumbeta marûngamîte mîena mathiûrûrûkîrîtie mûthamaki na andû onthe a vûrûri magîkenaga makîvuvaga tûrumbeta, na aini a nyîmbo marî na indo ciao cia kwina matongoreretie andû gûkûngûîra. Athalia nîwatembûrangire nguo ciake na akiugîrîria atîrî, “Ûkunyanîri! Ûkunyanîri!”

2Maû 23:18

Mûthînjîri-Ngai Jehoiada nîwacokire akîthuura arangîri a hekarû marûngamîrîrîtwe nî athînjîri-Ngai a mbarî ya Lawi na Alawi arîa Daudi aaveete wîra wa gûtungata hekarûrî na kûrutîra Ngai-Mûnene matega ma kûvîvua kûringana na ûrîa kwandîkîtwe wathorî wa Musa. Arangîri acio nwao maatongoragia nyîmbo magîkûngûagîra na gîkeno wata ûrîa Daudi aathanire.

2Maû 23:9

Nake Jehoiada, mûthînjîri-Ngai nîwanengere anene a athigari a mbaara matumû, ngo irîa ciarî nene na irîa ciarî nini. Matumû na ngo icio ciarî cia mûthamaki Daudi na ciaigîtwe hekarûrî.

2Maû 29:13

Kuuma mbarî ya Elizafani kwarî na Shimuri na Jeieli. Kuuma mbarî ya Asafu kwarî na Zakaria na Matania.

2Maû 29:14

Kuuma mbarî ya Hemani kwarî na Jehieli na Shimei. Kuuma mbarî ya Jeduthuni kwarî na Shemaia na Uzieli.

2Maû 31:2

Mûthamaki Hezekia nîwavangire athînjîri-Ngai na Alawi ikundi mwanya na akîgaîra wa mûndû wîra wa kûruta hekarûrî. Wîra ûcio warî ta wa kûruta matega ma kûvîvua na matega ma thayû, gûtungata ûgoocirî wa Ngai, gûcokia ngatho na gûkumia Ngai-Mûnene.

2Maû 34:12

Andû acio nîmaarutire wîra ûcio waro mûno. Arûngamîrîri ao maarî Jahathi na Obadia, Alawi a mbarî ya Merari, Zakaria na Meshulamu a mbarî ya Kohathu. Alawi onthe maarî na wara wa kûvûûra indo cia kwina nyîmbo,

2Maû 35:15

Nao aini a nyîmbo kuuma mbarî ya Asafu nîmeekarîte varîa maathîtwe mekarage nî mûthamaki Daudi, Asafu, Hemani, na Jeduthuni ûrîa warî mwoni maûndû ma mûthamaki. Nao arangîri a ivingo mekarîte ivingorî irîa mekaragia. Gûtiarî na vata wao maume wîrarî nîûndû Alawi acio engî nîmaamavarîrîtie pasaka.

2Maû 5:12

Alawi arîa maarî aini a nyîmbo na nîo Asafu, Hemani, Jeduthuni, anake ao vamwe na andû ao nîmaarûngamire mwena wa îrathîro wa metha ya kîgongoona mekîrîte nguo mbaro. Nîmaavûraga indo cia kwina ta: ithaani irîa iringithanagua na ngita. Athînjîri-Ngai îgana rîmwe rîa mîrongo îîrî (120) nîmaarûngamire vamwe nao makîvuvaga tûrumbeta.

2Maû 8:14

Solomoni nîwarûthire mûvango wa wîra wa wa mûthenya wa athînjîri-Ngai na Alawi arîa maatethagia athînjîri-Ngai kwina na kûruta wîra wao kûringana na watho wa îthe Daudi. Nîwavangire arangîri a ivingo ikundi na akîmava wîra wa gwîkaragia ivingo cionthe wa mûthenya kûringana na ûrîa Daudi ndungata ya Ngai aathanîte.

Ezira 2:41

Aini a nyîmbo hekarûrî (njiarwa cia Asafu) maarî andû îgana rîmwe rîa mîrongo îîrî na anana (128),

Ezira 6:18

Nao athînjîri-Ngai na Alawi nîmaaveerwe wîra wa ûtungata wa hekarû kûu Jerusalemu wata ûrîa wandîkîtwe îvukuurî rîa Musa.

Nehemia 11:17

Na kwarî Matania mûvîcî wa Mika, Mika mûvîcî wa Zabudi, Zabudi mûvîcî wa Asafu. Matania nîke warî mûtongoria vîndî ya mavoya ma ngatho. Na kwarî Bakibukia ûrîa warî wa kaîrî gatagatî ka aa mûrwang'ina, na Abida mûvîcî wa Shamua, Shamua aarî mûvîcî wa Galali mûvîcî wa Jeduthuni.

Nehemia 12:24

Atongoria a Alawi maarî: Hashabia, Sherebia, Jeshua mûvîcî wa Kadimieli. Nao aa mûrwang'ina nîmaarûngamaga mwena ûcio wîngî merekanîrîte na nîmaainaga nyîmbo cia gûkumia na gûcokia ngatho kûrî Ngai kûringana na ûrîa Daudi mûndû wa Ngai amaathîte.

Nehemia 12:27

Vîndî ya kwamûrîra Ngai rûthingo rwa Jerusalemu Alawi onthe nîmaaretirwe vamwe kuuma kûrîa maatûûraga. Maaretirwe vamwe Jerusalemu nîguo makûngûîre wamûri ûcio marî na gîkeno, magîcokagîria Ngai ngatho, makinaga na ithaani irîa iringithanagua, ngita na mîtûrirû.

Thaburi 81:2

Inani rwîmbo mûkîvûraga tamburini, vûrani inanda na ngita irîa îgambaga waro.

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Ezek 40:44

Ndarî ya kîvaro kwarî na tûnyomba twîrî twa aini a nyîmbo. Kamwe kaarî vakuvî na kîvingo Kîam mwena wa rûgûrû kerekerete na mwena wa îveti, na kau kengî kaarî mwena wa îveti kerekerete na mwena wa rûgûrû.

1Sam 10:5

Vuva wa ûguo, we ûthiî na mbere nginya kîrîmarî Kîam Ngai kîrîa kîrî Gibea. Kûu nîkuo Afilisiti matumîte magema mao. Wakinya vau kîvingorî gîa îtûûra ûgatûngana na gîkundi Kîam arathi manyûrûrûkîte makîvûraga inanda, ndarama, mîtûrirû, na ngita. Nao makethîrwa maumîte metharî ya Kîgongoona kûu Kîrîmarî makinaga maugîrîrîtie.