1Maû 24:31 - ÎVUKU RÎA ÛVORO MWARO

³¹ Nao maagaîrwe mawîra ma mwanya na njîra ya gwikîrua mîtî wata ûrîa andû ao arîa maarî athînjîri-Ngai na maarî njiarwa cia Aroni meekire. Maaikîrue mîtî mbere ya mûthamaki Daudi, Zadoku, Ahimeleku, na anene a nyomba cia athînjîri-Ngai na Alawi.

1Maû 24:31 ပူးပေါင်းရင်းမြစ်များ

1Maû 24:30

Avîcî a Mushi maarî athatû: Mahili, Ederi na Jeremothi. Aya nîo maarî avîcî a Lawi kûringana na nyomba ciao.

1Maû 25:8

Andû onthe nîmaaikirie mîtî nîguo mamenye mawîra mao, arîa maarî akûrû kana ethî, athomi kana athomithania.

1Maû 26:13

Nyomba cionthe, nene kana nini nîciaikirie mîtî nîguo imenye ivingo irîa ikaarangagîra.

2Maû 1:2

Mûthamaki Solomoni nîwetire anene onthe a athigari arîa maarûngamagîrîra athigari ngiri îmwe, magana, na anene, atongoria onthe a Isiraeli na atongoria a mbarî cionthe cia mîvîrîga ya Isiraeli.

2Maû 31:15

Edeni, Miniamini, Jeshua, Shemaia, Amaria na Shekania nîmaatethagîrîria Kore kûgaa indo icio marî na wîvokeku matûûrarî marîa mengî kûrîa athînjîri-Ngai maatûûraga. Nîmaagaagîra Alawi acio engî, arîa akûrû na arîa mataarî akûrû ûndû ûmwe.

Ndari 26:56

Îgai rîa wa mûvîrîga rîkaavecanwa na njîra ya gwikia mîtî, na wa mûvîrîga ûkaanyita îgai rîaguo kûringana na ûnene kana ûnini waguo.”