1Maû 23:31 - ÎVUKU RÎA ÛVORO MWARO

³¹ Alawi nîmaarutaga matega ma kûvîvua ma Ngai-Mûnene mîthenya ya thavatû, ciathî cia mweri wacicûka na mîthenya îrîa îngî ya ciathî. Kwarî na mawatho marîa maarûmagîrîrwa ma kwonania Alawi arîa maagîrîrwe nî gûtungata kavinda gwa kavinda marî hekarûrî.

1Maû 23:31 ပူးပေါင်းရင်းမြစ်များ

2Atha 4:23

Nake mûrûme nîwamûûririe atîrî, “Ûrenda kûthiî ûmûnthî nîkî? Ûmûnthî tî thavatû, wana tî kîrugo gîa karûngamo ka mweri.” Nake mûka nîwamwîrire atîrî, “Ndûkamake.”

1Maû 23:30

wîra wa gûkumia Ngai-Mûnene na kûmûva riiri vîndî cionthe, kîraûko na kîvwaî.

2Maû 24:14

Rîrîa wîra wa gûtuma hekarû wathirire, aruti wîra nîmaaretire mbeca irîa ciatigarire kûrî mûthamaki Joashi marî na mûthînjîri-Ngai Jehoiada. Nao nîmaatûmîre mbeca icio kûrûtha indo cia gûtûmîrwa hekarûrî: indo cia matega ma kûvîvua, mbakûri cia gwîkîrwa ûbani na indo cia thaavu na sîlûva. Nao nîmaarutaga matega ma kûvîvua hekarûrî wa mûthenya wa mûthenya mavinda monthe marîa Jehoiada aarî mwoyo.

Alawi 23:24

“Îra andû a Isiraeli atî, mûthenya wa mbere mwerirî wa mûgwanja rîrîa tûrumbeta tûkaavuvwa, nî mûkaavurûka na mûgomane vamwe nîguo mûgooce.

Alawi 23:39

Mûkaambîrîria gûkûngûîra kîrugo gîkî mûthenya wa îkûmi na îtano mweri wa mûgwanja mwarîkia gûketha irio. Mûgaakûngûîra kîrugo gîkî îvinda rîa mîthenya mûgwanja, nwatî mûthenya wa mbere na wa kanana nî mîthenya ya kûvurûka.

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.