1Maû 23:28 - ÎVUKU RÎA ÛVORO MWARO

²⁸ Wîra wao warî wa gûtethereria njiarwa cia Aroni wîrarî wa ûtungata hekarûrî ya Ngai-Mûnene, kûmenyerera kîvaro Kîam hekarû na tûnyomba tûrîa twethagîrwa tûrî hekarûrî na kûmenyerera indo irîa nyamûre cia hekarû ciîkarage irî ntheru wa vamwe na kûruta mawîra mengî ma hekarû.

1Maû 23:28 ပူးပေါင်းရင်းမြစ်များ

1Atha 6:5

Nîwacokire agîtuma tûnyomba tûthiûrûrûkîrîtie mîena yoîrî ya hekarû îo wana Varîa Vatheru Mûno.

1Maû 18:17

Benaia mûvîcî wa Jehoiada aarî mûnene wa Kerethi na Pelethi athigari arîa maarangagîra mûthamaki. Avîcî a Daudi maarî anene ûthamakirî wake.

1Maû 23:27

Kûringana na ûtaari wa Daudi wa mûthiia, Alawi maataragwa arîa maakinyîtie ûkûrû wa kuuma mîaka mîrongo îîrî na makîria.

1Maû 23:29

Alawi acio nîmaaveetwe wîra wa kwigagîrîra mûgate ûrîa mwamûre metharî, mûtu wa matega ma irio, mîgate îrîa îtekîrîtwe ndawa ya kwimbia, gûtukania mûtu na maguta ma mûtamaiyû na kûrûtha mîgate ya matega, kûthima ithimi irîa ciagîrîrîte,

1Maû 23:4

Daudi nîwamagaîre wîra. Alawi ngiri mîrongo îîrî na inya (24,000) makaarutaga wîra wa hekarû. Alawi ngiri ithathatû (6,000) marî akwigaga mûtaratara wa maûndû na gûtuithania maciira,

1Maû 28:13

Nîwamûnengere mûvano wa ûrîa akaavanga athînjîri-Ngai na Alawi nîûndû wa wîra wa gûtungata hekarûrî na kûmenyerera indo cionthe cia hekarû ya Ngai-Mûnene.

2Maû 23:4

Nîmwîka atîrî, rîrîa mue, athînjîri-Ngai na Alawi mûgaaûka kûruta wîra ûrîa mûrutaga mûthenya wa thavatû, gîcunjî kîmwe îgûrû rîa ithatû kîenyu nîkîo gîgaatuîka arangîri a ivingo.

2Maû 23:6

Gûtirî mûndû ûgetîkîrua gûtonya hekarûrî tiga athînjîri-Ngai na Alawi arîa makeethîrwa magîtungata. Acio nwa matonye nîûndû nî amûre, nwatî andû onthe nîmakaarûmîrîra ûrîa Ngai-Mûnene athanîte.

2Maû 29:15

Andû aya maagomanirie Alawi acio engî vamwe na nîmeetheririe. Nîmaacokire makîthiî hekarûrî kûmîtheria wata ûrîa maathîtwe nî mûthamaki kûringana na watho wa Ngai-Mûnene.

2Maû 29:5

na akîmeera atîrî, “Tanthikîrîriani mue Alawi! Îîtherieni na mûtherie hekarû ya Ngai-Mûnene, Ngai wa methe menyu. Rutani indo cionthe irî mûgiro vandû varîa vatheru.

2Maû 31:11

Hezekia nîwacokire akîathana gûtumwe tûnyomba twa kwigwa irio hekarûrî, na nîtwatumirwe.

2Maû 31:2

Mûthamaki Hezekia nîwavangire athînjîri-Ngai na Alawi ikundi mwanya na akîgaîra wa mûndû wîra wa kûruta hekarûrî. Wîra ûcio warî ta wa kûruta matega ma kûvîvua na matega ma thayû, gûtungata ûgoocirî wa Ngai, gûcokia ngatho na gûkumia Ngai-Mûnene.

Ezira 8:29

Imenyerereni na mûciige waro nginya rîrîa mûgaakinya Jerusalemu hekarûrî. Mwakinya Jerusalemu nîmûgaatonya kanyombarî ka athînjîri-Ngai kûu hekarûrî na mûkaaithima na mûinenganîre mûnene wa athînjîri-Ngai arî vo, Alawi, na atongoria a andû a Isiraeli arîa marî Jerusalemu.”

Nehemia 11:24

Pethahia mûvîcî wa Meshezabeli wa mbarî ya Zera mûvîcî wa Juda nîke warî mwarîrîria wa mûthamaki maûndûrî monthe megiî andû a Juda.

Nehemia 13:9

Nînacokire ngîvecana watho atî nyomba icio ithondekerwe îgongoona rîa kûitheria, na indo cia gûtûmîrwa nyombarî ya Ngai, na matega ma irio cia mûgûnda, na ûbani icokue.

Jeremia 35:4

Nînamavirire nyombarî ya Ngai-Mûnene, kûu kanyombarî ga ciana cia Hanani mûvîcî wa Igadalia, mûndû wa Ngai. Kanyomba kau kaarî vakuvî na nyomba ya atongoria îgûrû rîa nyomba ya Maaseia mûvîcî wa Shalumu, mûrangîri wa mûrango wa hekarû.”

Ezek 40:17

Mûndû ûcio nîwandonyirie na akînginyia nja ya kîvaro. Rûthingorî rûrîa rwathiûrûrûkîrîtie hekarû kwarî na tûnyomba mîrongo îthatû (30). Mwenarî wa mbere wa tûnyomba tûu kwarî na gacîra kaathondeketwe na mathiga.

Ezek 41:26

Mîenarî yoîrî ya kanyomba kau kwarî na ndirica, na nthingo ciagemetue na mbica cia mîtî ya mîkîndû.

Ezek 42:13

Mûndû ûcio nîwambîrire atîrî, “Nyomba ino irî mwena wa rûgûrû na ino irî mwena wa îveti cionthe nî ntheru. Athînjîri-Ngai arîa matungataga Ngai-Mûnene nîkuo makarîcagîra matega marîa matheru, na kwigagwe matega marîa matheru mûno. Matega mau nî ma irio cia mîgûnda, matega ma kûtheria mevia na matega ma kûrîvîra mevia nîûndû nî vatheru.

Ezek 42:3

Mwena ûmwe yerekerete kîvaro Kîam wariî wa mita îkûmi Kîamrî kîraca wata ûraca wa hekarû, na mwena ûcio wîngî yerekerete gacîra ga kîvaro Kîam mwena wa nja. Nyomba îno yarî na ngorova ithatû, wa ngorova îgûrû rîa îrîa îngî.

Ezek 44:14

Kûnarî ûguo nîngamathuura mavaragîrie hekarû na marutage mawîra marîa marutagwa kuo.”