1Maû 23:25 - ÎVUKU RÎA ÛVORO MWARO

²⁵ Mûthamaki Daudi nîwaugire atîrî, “Ngai-Mûnene, Ngai wa Isiraeli nîavete andû ake thayû, na nîagûtûûra Jerusalemu tene na tene.

1Maû 23:25 ပူးပေါင်းရင်းမြစ်များ

2Sam 7:1

Mûthamaki Daudi nîwatûûrire nyombarî yake, na Ngai-Mûnene akîmûgitîra kuuma kûrî nthû ciake cionthe.

2Sam 7:11

Kuuma rîrîa nathuurîre andû akwa a Isiraeli atongoria na magîtonya vûrûrirî ûyû, matûîre matharîkagîrwa nî nthû, nwatî ûndû ûyû ndûgeekîka rîngî. Nîrakwîrîra atî, nîngaakûgitagîra kuuma kûrî nthû ciaku cionthe na ngûve njiarwa.

1Atha 8:13

Rîu nîngûtumîrîte hekarû nene, nîguo îtuîke vandû vaku va gûtûûra tene na tene.”

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

1Maû 22:18

“Ngai-Mûnene, Ngai wenyu ethîrîtwe namue na nîamûvete thayû mîena yonthe. Nîamvotithîtie kûvoota andû onthe arîa maatûûraga vûrûri ûyû, na rîu vûrûri ûyû ûrî njararî cia Ngai na cia andû ake.

2Maû 23:18

Mûthînjîri-Ngai Jehoiada nîwacokire akîthuura arangîri a hekarû marûngamîrîrîtwe nî athînjîri-Ngai a mbarî ya Lawi na Alawi arîa Daudi aaveete wîra wa gûtungata hekarûrî na kûrutîra Ngai-Mûnene matega ma kûvîvua kûringana na ûrîa kwandîkîtwe wathorî wa Musa. Arangîri acio nwao maatongoragia nyîmbo magîkûngûagîra na gîkeno wata ûrîa Daudi aathanire.

Thaburi 135:21

Kumiani Ngai-Mûnene mûrî Zayuni, mue arîa mûtûûraga Jerusalemu! Kumiani Ngai-Mûnene!

Thaburi 68:16

Ûreguîra kîrîma kîu kîrî na tûcûmbîrî twîngî wîru nîkî, kîrîma kîrîa Ngai aathuurire nîguo atûûre kuo? Ngai-Mûnene agaatûûra kuo tene na tene.

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Thaburi 9:11

Inani nyîmbo cia gûkumia Ngai-Mûnene, ûrîa ûtûûraga Zayuni! Îrani andû a onthe ûrîa Ngai-Mûnene ekîte.

Isaia 8:18

Nie vamwe na ciana irîa Ngai-Mûnene amvete nî kîonereria na rûûri kûrî andû a Isiraeli kuuma kûrî Ngai-Mûnene, mwene vinya wonthe ûrîa ûtûûraga Kîrîmarî gîa Zayuni.

Ezek 48:35

Ûraca wa rûthingo rwa îtûûra rîu mîena yonthe îna rûkethîrwa rûrî rwa mita ngiri kenda (9,000). Îtûûra rîu kuuma vîndî îo rîgetagwa, “Ngai-Mûnene arî ava.”

Joeli 3:21

Nîngarîvîrîria andû a Juda, na ndigaatigana na arîa marî na mavîtia. Nie Ngai-Mûnene mbîkaraga Zayuni.

Zakaria 8:3

Nîngaacoka Zayuni nîguo ngatûûre Jerusalemu, nayo nîgaacoka gwîtagwa îtûûra rîvokeku, na kîrîma Kîammûre Kîam Ngai-Mûnene mwene vinya wonthe.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Akol 2:9

Nîûndû Kristû ethagîrwa arî na ûngai mwîcûru ûmûndûrî wake.

Josh 23:1

Vuva wa kavinda karaca Ngai-Mûnene nîwavere andû a Isiraeli thayû wa gwîkara matakûrûa na nthû irîa ciamathiûrûrûkîrîtie. Vîndî îo Joshua aarî mûkûrû mûno.