1Maû 23:14 - ÎVUKU RÎA ÛVORO MWARO

¹⁴ Nwatî Avîcî a Musa mûndû wa Ngai, maataranîrue vamwe na andû a mûvîrîga wa Lawi.

1Maû 23:14 ပူးပေါင်းရင်းမြစ်များ

1Maû 23:15

Avîcî a Musa maarî: Gerishomu na Eliezeri.

2Maû 30:16

Athînjîri-Ngai na Alawi nîmeekarire wa andû varîa maagîrîrwe nî gwîkara wata ûrîa watho wa Musa, mûndû wa Ngai ugîte. Alawi nîmaanengere athînjîri-Ngai nthakame ya magongoona na makîmîminjaminja metharî ya kîgongoona.

Ezira 3:2

Jeshua mûvîcî wa Jehozadaki, athînjîri-Ngai arîa maatungataga nao, na Zerubabeli mûvîcî wa Shealitieli marî na andû a nyomba yao nîmaatumire metha ya kîgongoona ya Ngai wa andû a Isiraeli. Maamîtumire nîguo marutîre Ngai magongoona ma kûvîvua wata ûrîa kwandîkîtwe wathorî wa Musa ûrîa warî mûndû wa Ngai.

Thaburi 90:1

We Mwathani, kuuma njiarwa na njiarwa wîthîrîtwe ûrî kûndû gwetû gwa kwîthitha.

Gûco 33:1

Gîkî nîkîo kîrathimo kîrîa Musa, mûndû wa Ngai aatigîre andû a Isiraeli mbere ya akue.

Josh 14:6

Andû amwe a kuuma mûvîrîgarî wa Juda nîmaathiîre kûrî Joshua kûu Giligali. Ûmwe wao aarî Kalebu mûvîcî wa Jefune wa mbarî ya Kenezi. Nake Kalebu nîwerire Joshua atîrî, “We nîwicî ûrîa Ngai-Mûnene eerire Musa mûndû wa Ngai ûvoro wîgiî nie nawe vîndî îrîa twarî Kadeshi-barinea.