1Maû 23:13 - ÎVUKU RÎA ÛVORO MWARO

¹³ Avîcî a Amuramu maarî: Aroni na Musa. Aroni na njiarwa ciake nîmaathuurirwe matuîke andû amûre tene na tene. Maathuurirwe nîguo mamenyagîrîre indo irîa nyamûre na mavîvagie ûbani nîûndû wa kûgooca Ngai-Mûnene, kûmûtungatîra na kûrathimanaga vîndî cionthe.

1Maû 23:13 ပူးပေါင်းရင်းမြစ်များ

1Maû 23:12

Avîcî a Kohathu maarî ana: Amuramu, Iziharu, Heburoni na Uzieli.

1Maû 6:3

Amuramu aarî na avîcî aîrî. Nao maarî: Aroni na Musa, na aarî na mwîrîtu ûmwe wetagwa Miriamu. Aroni aarî na avîcî ana. Nao maarî: Nadabu, Abihu, Eleazaru, na Ithamaru.

1Maû 6:34

Samueli aarî mûvîcî wa Elikana, Elikana aarî mûvîcî wa Jerohamu, Jerohamu aarî mûvîcî wa Elieli, Elieli aarî mûvîcî wa Toa.

Thaburi 106:16

Marî kûu werûrî nîmeguîrîre Musa wîru, na Aroni, ndungata ntheru ya Ngai-Mûnene.

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Ntha 28:36

“Ûkaarûtha kavengere ka thaavu ntheri na kandîkwe, ‘Yamûrîrîtwe Ngai-Mûnene’.

Ntha 29:44

Nîngaatûma îgema rîa Ngai-Mûnene rîtuîke îtheru wana metha ya kîgongoona îtuîke ntheru. Nîngaamûra Aroni na avîcî ake nîguo mandungatagîre marî athînjîri-Ngai.

Ntha 6:20

Amuramu nîwavikirie Jokibedi mwarwang'ina na îthe, na nîwaciarire Aroni na Musa. Amuramu atûûrire mwoyo mîaka îgana rîmwe rîa mîrongo îthatû na mûgwanja (137).

Alawi 10:10

Nwanginya mwîkîre ngûrani gatagatî ga kîndû kîrîa Kîammûrîre Ngai na kîrîa gîtarî Kîammûrîre Ngai, kîndû kîrîa kîrî mûgiro na kîrîa gîtarî mûgiro.

Ndari 18:1

Ngai-Mûnene nîwerire Aroni atîrî, “We, avîcî aku, vamwe na andû a nyomba yaku nî mue mûkaaverithua kûngîkaagîa na mavîtia marûthîrîtwe varîa Vatheru. Nwatî we na avîcî aku nîmue mûkaaverithua nîûndû wa mavîtia marîa makaaumana na ûthînjîri-Ngai.

Ndari 26:59

Mûka wa Amuramu eetagwa Jokebedi mwarî wa Lawi. Jokebedi aaciarîrwe Misiri. Jokebedi aaciarîre Amuramu anake aîrî: Aroni na Musa, na mwîrîtu ûmwe wetagwa Miriamu.

Ndari 3:27

Mbarî ya Kohathu yarûthîtwe nî nyomba ya Amuramu, Iziharu, Heburoni, na nyomba ya Uzieli.

Luka 1:9

Rîrîa mîtî yaikirue kûringana na mûtugo wa athînjîri-Ngai, Zakaria nîwathuurirwe kuuma gîkundirî gîake nîguo atonye hekarûrî na avîvie ûbani.

Ciîko 13:2

Na rîrîa maagoocaga Mwathani na makîînyerekagia, Roho Mûtheru nîwamerire atîrî, “Nthurîrani Baranaba na Saûlo, nîguo makarute wîra ûrîa nie nîmetîrîte.”

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

Agal 1:15

Nwatî Ngai nîwanthuurire na njîra ya wega wake wana mbere ya njiarwe na akîmbîta nîmûtungatîre. Na rîrîa aatwire

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Gûco 21:5

Athînjîri-Ngai Alawi nîmakaathiî vau wanao, nîûndû Ngai-Mûnene Ngai wenyu amathuurîte nîguo mamûtungatagîre na marathimage andû na rîîtwa rîake. Nîmagaatuithanagia maciira monthe megiî ngarari na mbaara.

Ahib 5:4

Gûtirî mûndû wîvecaga gîtîîo na njîra ya kwîthuura atuîke mûthînjîri-Ngai ûrîa mûnene. Ngai nîke tu wîtaga mûndû na akamûtua mûthînjîri-Ngai ûrîa mûnene wata ûrîa Aroni eetirwe.

Kûguû 8:3

Mûraika wîngî nîwaûkire na akîrûngama metharî ya kûrutîra kîgongoona, anyitîte kavakûri ka thaavu ga kûvîvîria ûbani. Nake nîwanengerwe ûbani mwîngî mûno nîguo aûrutanîrie vamwe na mavoya ma andû onthe a Ngai. Nake mûraika ûcio nîwaigîrîre maruta mau metharî ya kûrutîra kîgongoona ya thaavu îrîa yarî vau mbere ya gîtî Kîam ûthamaki.

1Sam 2:28

Na nî nie naathuurire andû a mûciî wa Aroni gatagatîrî ka mîvîrîga yonthe ya Isiraeli matuîke athînjîri-Ngai akwa, nîguo mekagîre nguo ntheru vîndî îrîa makwenda kûmbarîria, mathiîcage metharî ya kîgongoona, na mamvîvagîrie ûbani vo. Nie nînaamavere rûtha meigagîre iveo imwe cia irîa ciavothagwa nî Aisiraeli.