1Maû 22:16 - ÎVUKU RÎA ÛVORO MWARO

¹⁶ na thaavu, sîlûva, gîcango na cuuma. Ûkîra rîu wambîrîrie wîra, na Ngai-Mûnene ethagîrwe nawe!”

1Maû 22:16 ပူးပေါင်းရင်းမြစ်များ

1Atha 2:2

“Rîu nîrî vakuvî gûkua, gîa na vinya na wîyûmîrîrie,

1Atha 7:47

Solomoni ndaathima ûrito wa indo icio cionthe cia gîcango, nîûndû ciarî nyîngî mûno. Kwoguo ûrito wacio ndwamenyekana.

1Maû 22:11

“Rîu mûvîcîwa, Ngai-Mûnene, Ngai waku nîekare nawe na arokûvotithia gûtuma hekarû yake wata ûrîa aakwîrîre.

1Maû 22:14

Nîmvotete gûcaria indo cia gûtuma hekarû ya Ngai-Mûnene na thîna mwîngî. Nîmbigithîtie makîria ma tani ngiri ithatû na magana mana cia thaavu (3,400), na tani ngiri mîrongo îthatû na inya (34,000) cia sîlûva, gîcango na cuuma itarî nthime nîûndû nî nyîngî mûno. Kûrî na mbaû na mathiga mbigîte, nwatî nwanginya ûgaaciongerera.

1Maû 22:15

Ûrî na aruti wîra eengî. Kûrî na andû a kumia mathiga, mavundi ma mathiga, mavundi ma mbaû na andû eengî na marî ûûgî wa maûndû ma mbaû na andû eengî marî na ûûgî wa maûndû monthe a kûruta wîra

1Maû 22:3

Daudi nîwarutire cuuma nyîngî mûno nîûndû wa kûrûtha mîcumarî na icûvî cia mîrango, na akîruta gîcango kîngî mûno gîtaarî kîthimi.

1Maû 28:10

Nwanginya ûmenya atî Ngai-Mûnene nî akûthuurîte ûmûtumîre hekarû ntheru. Gîa na vinya ûrute wîra ûcio.”

1Maû 29:2

Nîngeretie wata ûrîa nîngîvota kûvarîria indo cia gûtuma hekarû ya Ngai. Indo icio nîta: Thaavu nîûndû wa indo cia thaavu, sîlûva nîûndû wa indo cia sîlûva, gîcango nîûndû wa indo cia gîcango, cuuma nîûndû wa indo cia cuuma, na mbaû nîûndû wa indo cia mbaû. Nîmvecanîte mathiga meengî ma goro metagwa onigithi, mathiga ma kûgemia, mathiga ma rangi cia mîthemba mîîngî, mathiga ma goro ma mîthemba yonthe.

2Maû 1:1

Solomoni, mûvîcî wa mûthamaki Daudi nî watuîkire mûthamaki wîkindîrîtie ûthamakirî wake. Nake Ngai-Mûnene, Ngai wake nî wamûrathimire na agîtûma agîa na vinya mûno.

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Afil 4:13

Nwambîke maûndû monthe na njîra ya ûrîa ûmvecaga vinya.

Josh 1:2

atîrî, “Ndungata yakwa Musa nîîkuîte. Rîu ûkîra mûrî na andû a Isiraeli mûringe rûnjî rwa Jorodani mûthiî vûrûrirî ûrîa ngûmava.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 7:10

Ngai-Mûnene nîwacokire akîra Joshua atîrî, “Ûkîra, ûmamîte vau nthî nîkî?

Atir 4:14

Debora nîwacokire akîra Baraki atîrî, “Thiî! Ngai-Mûnene nîagûgûtongoria! Ûmûnthî nîagûkûvotithia kûvoota Sisera.” Kwoguo Baraki nîwaumire kîrîmarî gîa Taboru arûmîrîrîtwe nî andû acio ngiri îkûmi.

1Sam 17:37

Ngai-Mûnene ûrîa ûmvonokagia kuuma kûrî mînyambû na ngatûnyi, nwake ûkamvonokia kuuma kûrî Mûfilisiti ûyû.” Nake Saûlo nîwerire Daudi atîrî, “Nî waro, thiî na Ngai-Mûnene aroîkara nawe.”

1Sam 20:13

Nwatî ethîrwa arî na mworoto wa gûgwîka ûûru, Ngai-Mûnene arombûraga ethîrwa nîngaarega gûkumbûrîra ûndû ûcio nîguo ûvonoke. Ngai-Mûnene aroîkara nawe wata ûrîa arekaraga na vava.