1Maû 22:13 - ÎVUKU RÎA ÛVORO MWARO

¹³ Ethîrwa nîûkaathîkîra mawatho monthe marîa Ngai-Mûnene aaveere Aisiraeli kûvîtûkîra Musa, maûndû maku nîmakaavua. Gîa na vinya, wîyûmîrîrie na ndûgetigîre kana ûgîa na guoya.

1Maû 22:13 ပူးပေါင်းရင်းမြစ်များ

1Atha 2:2

“Rîu nîrî vakuvî gûkua, gîa na vinya na wîyûmîrîrie,

1Atha 2:3

na wîkage ûrîa Ngai-Mûnene, Ngai waku akwathîte wîkage. Vingagia mawatho make monthe, maathani make, matuîro make ma ciira na kîrîra gîake, wata ûrîa kwandîkîtwe wathorî wa Musa, nîguo ûkaathatûkwa mawîrarî monthe marîa ûkaaruta kûrîa kuonthe ûkaathiî.

1Maû 28:10

Nwanginya ûmenya atî Ngai-Mûnene nî akûthuurîte ûmûtumîre hekarû ntheru. Gîa na vinya ûrute wîra ûcio.”

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

1Maû 28:7

Nîngaatûma ûthamaki wake ûtûûre tene na tene ethîrwa nî agûtûûra athîkagîra mawatho na maathani makwa ta ûrîa ekaga rîu.’

2Maû 14:6

Mûthamaki Asa nîwatumire matûûra mairigîre kûu Juda kavindarî kau kwarî na thayû. Vûrûri wake nîwekarire îvinda rîa mîaka mîîngî gûtarî na mbaara, nîûndû Ngai-Mûnene nîwamûvete thayû.

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

2Maû 26:5

Uzia nîwathîkagîra Ngai mavinda marîa Zekaria aarî mwoyo, nîûndû nîwarûmagîrîra maûndû marîa aataaragwa nî Zekaria megiî kwathîkîra Ngai. Nake Ngai-Mûnene nîwatûmire athatûkwe maûndûrî make.

2Maû 32:7

“Gîani na vinya na mûmîrîrie. Mûtigetigîre kana mûmake nîûndû wa mûthamaki wa Asîria, kana nîûndû wa ûrîa arî na athigari a mbaara eengî, nîûndû ûrîa ûrî natue arî na vinya nyîngî gûkîra ûrîa ûrî na Senakeribu.

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 119:6

Nîngîrûmîrîra maathani maku monthe, ndigaacoka gûconorithua.

Thaburi 72:1

Onagîrîria mûthamaki gûtua ciira na kîvooto, we Ngai; na ûmûgaagîre ûthingu waku,

Hagai 2:4

Kûnarî ûguo, ndûgakue ngoro we Zerubabeli. Îyûmîrîrie we Joshua mûvîcî wa Jehozadaki mûthînjîri-Ngai mûnene. Îyûmîrîrieni mue andû onthe a vûrûri ûyû. Rutani wîra nîûndû nie Ngai-Mûnene mwene vinya wonthe nîrî namue.

Zakaria 8:9

Ngai-Mûnene augîte atîrî, “Mue arîa rîu mûregua ndûmîrîri îrîa yarirue nî arathi arîa maarî vo vîndî îrîa mûcingi wenjagwa wa gûtuma rîngî hekarû ya Ngai-Mûnene mwene vinya wonthe, îîyûmîrîrieni nîguo hekarû îtumwe.

Mathaayo 3:15

Nwatî Jesû nîwamûcokerie atîrî, “Tiga gûtuîke guo rîu, nîûndû nîkwagîrîrîte tue tûvingie wendi wa Ngai.” Kwoguo Johana nîwetîkîre kûvatithia Jesû.

Ciîko 13:22

Na rîrîa Ngai aamûrutire wathanirî, Ngai nîwathuurire Daudi nîguo atuîke mûthamaki wao. Nake Ngai nîwarutire ûira wîgiî Daudi na akiuga atîrî: ‘Nie nîmonete atî Daudi mûrû wa Jesse nîke mûndû ûrîa ngoro yakwa îthuurîte. Ke nîke ûgwîka maûndû monthe marîa nie ngwenda eke.’

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

Jakuvu 2:8

Watho wa Ûthamaki ûrîa wonekaga mandîkorî matheru nî ûyû: “Enda mûndû ûrîa mûriganîtie nake wata ûrîa wîyendete we mwene.” Ethîrwa ûkaathîkagîra watho ûyû, we ûgekaga ûrîa kwagîrîrîte.

Josh 1:18

Mûndû wa wonthe ûkaaregana nawe na arege kwathîkîra watho waku, nî akaaûragwa. Gîa na vinya na ûmîrîrie!”