1Maû 21:9 - ÎVUKU RÎA ÛVORO MWARO

⁹ Nake Ngai-Mûnene nîwerire Gadi, mûrathi wa mûthamaki Daudi atîrî,

1Maû 21:9 ပူးပေါင်းရင်းမြစ်များ

2Sam 24:11

Ngai-Mûnene nîwerire Gadi, ûrîa warî mûrathi wa Daudi atîrî,

1Maû 21:10

“Thiî ûkere Daudi atî, nîrî na maûndû mathatû ngûmûva athuure ûmwe gatagatî ka mo na ngeka ûrîa akathuura.”

1Maû 25:5

Acio onthe maarî avîcî a Hemani ûrîa warî mûrathi wa mûthamaki. Ngai nîwerîrîte Hemani nîagaatûma atuîke mûndû ûrî vinya. Kwoguo Nîwamûvere avîcî îkûmi na ana na erîtu athatû.

1Maû 29:29

Maûndû marîa Daudi eekire arî mûthamaki kuuma Kîammbîrîria, nginya mûthiia nîmandîke mandîkorî ma arathi athatû. Arathi acio nî Samueli, Nathani na Gadi.

2Maû 29:25

Mûthamaki Hezekia nîwarûmîrîre maûndû marîa Ngai-Mûnene aathîte mûthamaki Daudi na njîra ya Gadi ûrîa warî mwoni maûndû ma mûthamaki na mûrathi Nathani. Kwoguo nîwaigire Alawi hekarûrî marî na mîtûrirû, ngita na ithaani irîa iringithanagua kûringana na ûrîa Ngai-Mûnene aathanîte na njîra ya arathi ake.

1Sam 22:5

Nake mûrathi Gadi nîwathiîre kûrî Daudi na akîmwîra atîrî, “Tiga gwîkara ava. Thiî narua vûrûrirî wa Juda.” Nake Daudi nîwaumire vau na akîthiî mûtitûrî wa Herethu.

1Sam 9:9

Mbererî vûrûrirî wa Isiraeli mûndû akîthiî kûria ûndû kûrî Ngai augaga atîrî, “Ûka tûthiî tûkone mwoni maûndû” nîûndû mûndû ûrîa wîtagwa mûrathi, tene etagwo mwoni maûndû.