1Maû 21:26 - ÎVUKU RÎA ÛVORO MWARO

²⁶ Daudi nîwatumire metha ya kîgongoona ya Ngai-Mûnene vau na nîwarutire matega ma kûvîvua na matega ma thayû. Nîwavoire na Ngai-Mûnene nîwamûcokerie mavoya make na njîra ya gûtûma mwaki kuuma îgûrû na ûkînyûrûrûka ûkîvîvia matega mau.

1Maû 21:26 ပူးပေါင်းရင်းမြစ်များ

1Atha 18:24

Arathi a Baali nîmacoke mete rîîtwa rîa ngai wao, nanie nîngwîta rîîtwa rîa Ngai-Mûnene. Ngai ûrîa ûgûcokia na njîra ya kûrete mwaki, ûcio nîke Ngai wa ma.” Nao andû onthe nîmeetîkirie atî ûndû ûcio nî mwaro.

1Atha 18:38

Vîndî wa îo mwaki wa Ngai-Mûnene nîwaumire îgûrû na ûkîvîvia matega, ngû, mathiga, mûthetu na ûkînyarithia manjî marîa maarî mûtarorî.

1Maû 21:27

Ngai-Mûnene nîwacokire akîatha mûraika acokie rûviû rwake njûrarî, nake nîwathîkire.

2Maû 3:1

Solomoni nîwambîrîrie gûtuma hekarû ya Ngai-Mûnene Jerusalemu kîrîmarî Kîam Moria varîa Ngai-Mûnene aaumîrîre Daudi, îthe wa Solomoni îtîrirî rîa Orinani wa kuuma Jebusi. Vau nîvo Daudi aathuurîte.

2Maû 7:1

Rîrîa mûthamaki Solomoni aarîkirie kûvoya, mwaki nîwanyûrûrûkire kuuma îgûrû na ûkîvîvia magongoona na matega marîa maarutîtwe. Naguo riiri wa Ngai-Mûnene nîwecûrire hekarûrî.

Thaburi 51:15

We Mwathani, mvotithia kwaria, na nîngûgûkumia.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Thaburi 99:9

Kumiani Ngai-Mûnene Ngai wetû, mûgooceni mûrî kîrîmarî gîake kîtheru! Nîûndû Ngai-Mûnene Ngai wetû nî mûtheru!

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Isaia 65:24

Nîngegucaga mavoya mao wana mbere ya mamvoya, na ngaamacokagîria mavoya mao wana matarîkîtie kûvoya.

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Ndari 16:50

Rîrîa mûthiro wathirire, Aroni nîwacokire kûrî Musa mûromorî wa îgema rîa Ngai-Mûnene.

Atir 13:20

Rîrîa nînîmbî cia mwaki ciaunûkagia na îgûrû kuuma metharî ya kîgongoona, Manoa na mûka nîmoonire mûraika wa Ngai-Mûnene aunûkîtie na îgûrû arî nînîmbîrî cia mwaki. Manoa na mûka nîmeenamîrîrie mothiû mao nthî makîgooca na matiacoka kwona mûraika ûcio rîngî.

Atir 6:21

Mûraika wa Ngai-Mûnene nîwacokire akîvutia nyama na mîgate îo na mûthiia wa mûragi ûcio aanyitîte na njara. Naguo mwaki nîwaumire îthigarî rîu na ûkîvîvia nyama na mîgate îo îtaarî mîkîre ndawa ya kwimbia; Mûraika wa Ngai-Mûnene nîwacokire akîûrîra.