1Maû 21:17 - ÎVUKU RÎA ÛVORO MWARO

¹⁷ Daudi nîwavoire Ngai akiugaga atîrî, “Nînie naathanire andû magatarwe, nînie nevirie. Andû aya matiîkîte ûndû mûcûku maarûmîrîre ûrîa naugire. Ngai-Mûnene, Ngai wakwa nakûthaitha ûmverithie arî nie vamwe na mûciî wa vava, nwatî ndûkaverithie andû aya.”

1Maû 21:17 ပူးပေါင်းရင်းမြစ်များ

Kîam 44:33

Kwoguo mwathi wakwa, tiga mbîkare gûkû nîrî ngombo yaku vandûrî va mwanake ûcio. Mwîtîkîrie acoke na aa mûrwang'ina.

2Sam 12:10

Nîûndû wa ûguo, andû amwe kuuma njiarwarî ciaku cionthe magaakua gîkuû Kîam ruuo nîûndû nîûregete kûmbathîkîra na nîwocete mûndûmûka wa Uria.

2Sam 24:1

Ngai-Mûnene nîwarakarirue nî Aisiraeli rîngî, na nîwerire Daudi athiî kûrî o nîguo marakare na akîmwîra atîrî, “Thiî na ûtare andû a Isiraeli na a Juda.”

2Sam 24:17

Daudi oona mûraika ûrîa waûragaga andû, nîwerire Ngai-Mûnene atîrî, “Nînie njîvîtie. Nînie mbîkîte naaî. Gûtirî ûndû andû aya mekîte. Nînie mbagîrîrwe nî kûverithua vamwe na andû a mûciî wakwa.”

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Atha 22:17

Mikaia nîwacokirie atîrî, “Nînoonire andû onthe a Isiraeli manyaganîte irîma ta ng'ondu itarî na mûrîthi. Nake Ngai-Mûnene nîwaugire atîrî, ‘Andû aya matirî na mûtongoria; nîmacoke wa mûndû gwake mûciî na thayû.’ ”

1Maû 21:8

Nake Daudi nîwerire Ngai atîrî, “Nînjîvîtie mûno nîûndû wa ûndû ûyû mbîkîte! Nakûthaitha ûnjovere, nie ndungata yaku nîûndû mbîkîte ûguo nîûndû wa ûrimû.”

Thaburi 44:11

Nîûtûmîte twîkare ta ng'ondu ithiîte kûthînjwa; na nîûtûnyaganîtie mavûrûrirî marîa mengî.

Thaburi 51:14

Mvonokia kuumana na wîvia wa ûragani, we Ngai mûvonokia wakwa, na nîngaakena na manîrîre ûthingu waku kûrî andû.

Thaburi 51:4

We wenga nîwe mbîtîrîtie, na nîmbîkîte maûndû marîa wonaga marî macûku. Kwoguo ûnduîrîrîte na kîvooto; nîûnduîrîrîte ûrîa kwagîrîrîte.

Thaburi 74:1

Nîkwa Ngai ûtûtiganîrîtie ûguo nîkî? Nîûtûûra ûrakarîte nî andû aku?

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Jona 1:12

Nake Jona nîwamerire atîrî, “Mbocani mûmbikie îriarî na îria nîrîkûvorera; nîûndû nîmbicî nama atî nînie nîratûma mûthînue nî kîvuvûkanio kînene mûrî gûkû îriarî.”

Aroma 9:3

nîûndû wa andû a mûvîrîga wetû arîa tûciaranîrîtue nao. Nwa mende nyitwe nî kîrumi Kîam Ngai na ndigithanue na Kristû îthenya rîao.

Josh 22:18

Ûmûnthî mûngîrega kûrûmîrîra Ngai-Mûnene na mûregane nake, rûyû nî akaarakara nî andû onthe a Isiraeli.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.