1Maû 21:14 - ÎVUKU RÎA ÛVORO MWARO

¹⁴ Ngai-Mûnene nîwatûmire mûrimû vûrûrirî wa Isiraeli na arûme ngiri mîrongo mûgwanja (70,000) nîmaakwire.

1Maû 21:14 ပူးပေါင်းရင်းမြစ်များ

2Sam 24:15

Kwoguo Ngai-Mûnene nîwatûmire kûgîe na mûthiro kûu Isiraeli kuuma kîraûko kîu nginya îvinda rîrîa aatuîte. Vûrûri ûcio wonthe kuuma Dani nginya Beeri-shiba Aisiraeli ngiri mîrongo mûgwanja nîmaakwire.

2Atha 19:35

Ûtukû ûcio, mûraika wa Ngai-Mûnene nîwathiîre kûrîa andû a Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko Kîam mûthenya ûcio wîngî, nîmeethîrîrie athigari acio onthe marî akuû!

1Maû 27:24

Joabu mûvîcî wa Zeruia nîwambîrîrie gûtara andû a Isiraeli, nwatî ndaanarîkia wîra wa kûmatara. Isiraeli nîmaaverithirue nî Ngai nîûndû wa ûtarani ûcio, kwoguo mwîgana wa andû ndwandîkwa kûrîa kwandîkagwa maûndû ma mûthamaki Daudi.

Ntha 12:30

Ûtukû ûcio, mûthamaki wa Misiri, anene ake, na andû onthe a Misiri nîmaaramûkire. Na mîciî yonthe nîyecûrîtwe nî kîrîro nîûndû gûtirî mûciî wa naarî ûmwe gûtaarî gûkuû mwana wa mwanake.

Ndari 25:9

Nwatî mûthiro ûcio nîwaûragîte andû ngiri mîrongo îîrî na inya (24,000).

1Sam 6:19

Nake Ngai-Mûnene akîûraga andû mîrongo mûgwanja a kûu Bethi-shemeshu nîûndû nîmaaroririe ndaarî ya îthandûkû rîa Kîrîkanîro rîa Ngai-Mûnene. Nao andû acio engî makîgua kîeva nîûndû wa ûrîa Ngai-Mûnene aaûragîte andû eengî gatagatîrî kao.