1Maû 21:13 - ÎVUKU RÎA ÛVORO MWARO

¹³ Daudi nîwacokire akîra Gadi atîrî, “Nie nîrî na thîna mûnene mûno. Nî kava kûverithua nî Ngai-Mûnene nîûndû Ngai-Mûnene arî ntha nyîngî mûno gûkîra kûverithua nî andû.”

1Maû 21:13 ပူးပေါင်းရင်းမြစ်များ

2Atha 6:15

Rîrîa ndungata ya Elisha aaramûkire kîraûko na akiuma nja, nîwonire athigari a mbaara marî na mbarathi na ikaari cia mbaara marigicîrîtie îtûûra. Ndungata îo nîyacokire kûrî Elisha na îkîûria atîrî, “Ûûi mwathi wakwa! Nîtwîka atîa?”

2Atha 7:4

Tûngiuga atî tûtonye îtûûrarî, nîtûgaakuîra kuo nî yûra, na twekara ava wanarîo nwa tûgaakua. Kwoguo tûthiîni kûrîa andû a Sîria matûûraga, matûûrage kana marege gûtûûraga.”

2Maû 28:9

Kwarî mûrathi wa Ngai-Mûnene wetagwa Odedi na watûûraga kûu Samaria. Nîwaumagarire akîthiî gûtûnga athigari a mbaara a Isiraeli vamwe na athigari arîa maatavîte a Juda rîrîa maarî vakuvî gûtonya Samaria. Nîwamerire atîrî, “Ngai-Mûnene, Ngai wa methe menyu nîwarekererie andû a Juda kûrî mue nîûndû nîwarakarîtue nîo. Nwatî Ngai nîwonete ûrîa mûragîte andû acio mûtakûmacaîra.

Esita 4:11

“Ndungata cionthe cia mûthamaki na andû onthe a mavûrûri arîa mathagwa nî mûthamaki nîmaicî atî mûndû wa wonthe arî mûndûmûka kana mûndûmûrûme angîthiî nyomba kwa mûthamaki atarî na rûtha, mûndû ûcio agîrîrwe nî kûûragwa. Mûndû ûrîa tu ûngîvonoka kuumana na watho ûyû nî ûrîa mûthamaki aigîrîrîte mûtî wake wa thaavu wa ûthamaki. Nîrî na mweri mûgima ndathiîte kwa mûthamaki.”

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Thaburi 103:8

Ngai-Mûnene arî ntha na nî mûtugi, ndarakaraga na îvenya na ecûrîtwe nî wendo ûtathiraga.

Thaburi 106:7

Rîrîa methe metû maarî Misiri, matiataûkîrwa nî ciîko cia magegania irîa Ngai eekire, matiaririkana ûrîa aamoonirie wendo ûtathiraga maita meengî, nwatî nîmaareganire na ûrîa ûrî Îgûrû Mûno marî îriarî îtune.

Thaburi 119:156

Ntha ciaku nî nyîngî, we Ngai-Mûnene, tûma ndûûre mwoyo nîûndû wî wa kîvooto.

Thaburi 130:4

Nwatî we nîûtwovagîra, nîguo tûgûtîîage.

Thaburi 130:7

We Isiraeli, îîvoke Ngai-Mûnene, nîûndû Ngai-Mûnene ethagîrwa arî na wendo ûtathiraga, na ethagîrwa arî na vinya mûnene wa kûvonokania.

Thaburi 5:7

Nwatî nîûndû wa wendo waku ûtathiraga, nwa ndonye nyombarî yaku, ngûgooce nîrî hekarûrî yaku ntheru, na ngakwînamîrîra na gîtîîo.

Thaburi 69:13

Nwatî we Ngai-Mûnene, nîwe mvoyaga; îtîkîra îvoya rîakwa we Ngai, vîndî îrîa ûngîenda. Njokeria îvoya rîakwa nîûndû wa wendo waku ûtathiraga, nîûndû we nîûvingagia kîîranîro gîaku gîa kûvonokania.

Thaburi 69:16

Njokeria we Ngai-Mûnene, nîûndû wa wega wa wendo waku ûtathiraga; mvûgûkîra nîûndû wa ntha ciaku nyîngî!

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Nthi 12:10

Andû arîa athingu marî ntha na nyamû ciao irîa marîthagia, nwatî andû arîa aganu matirî ntha na nyamû ciao.

Isaia 46:7

Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Isaia 47:6

Nînaarakarire nî andû akwa, ngîtûma andû arîa akwa manyitwe nî mûgiro. Nînamanenganîre kûrî we, nwatî we ndwameguîra ntha; wana arîa akûrû nîwamakinyîrîrie mûno.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 63:15

We Ngai-Mûnene, ûtûrorie kuuma îgûrû, kûrîa ûtûûraga na kûtheru. Ûtugi waku mwîngî na vinya waku kûrî tue irî kû? Wendo waku na ntha ciaku irî kû? Ndûgatûtiganîrie.

Isaia 63:7

Nîngûvecana ûvoro wa wendo ûtathiraga wa Ngai-Mûnene, na nîmûgooce nîûndû wa maûndû monthe marîa atwîkîrîte, na nîûndû wa maûndû manene na maro marîa ekîrîte nyomba ya Isiraeli, kûringana na ntha ciake na wendo wake ûtathiraga.

Maca 3:32

wana ethîrwa nîatûmaga twîgue kîeva: ke arî ntha nîûndû wa wendo wake mwîngî ûtathiraga.

Jona 3:9

Ngai avota kwîricûkwa na atige kûrakara, na kwoguo tîtûkua!”

Jona 4:2

Kwoguo nîwavoire atîrî, “Ngai-Mûnene, na kinthî mama tîmo maûndû wa marîa naaugire rîrîa naarî mûciî? Kîu nîkîo gîatûmire mbûrîre Tarishishi, nîûndû nînaicî atî we ûrî Ngai ûrî wendo na ntha, ndûrakaraga na îvenya, ûrî wendo ûtathiraga na nîwîricûkagwa ûkarega kûverithania.

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Habakuku 3:2

We Ngai-Mûnene nîmbîguîte ûrîa wîkîte, maûndû marîa wîkîte we Ngai-Mûnene nîmatûmîte nîîtigîre. Îka maûndû mau rîngî îvindarî rîîrî rîetû, tûma mamenyekane îvindarî rîetû, ûnarî na marakara ririkana ntha ciaku.

Johana 12:27

“Rîu nînîrathînîka mûno ngororî yakwa, nwatî nîmbuga atîa? Nîkwa nguuga, ‘Vava ndûgetîkîre nginyîrwe nî îvinda rîîrî?’ Nwatî kîu nîkîo gîtûmi kîrîa gîatûmire mbûke gûkû nthî nîguo nginyîre îvinda rîîrî.

Afil 1:23

Maûndû mau maîrî nîmarangucanîria. Nînîrerirîria mûno gûkua, nîguo ngatûûranie na Kristû nîûndû ûguo nîguo waro mûno.

Ahib 10:31

Nîûndû wa gwîtigîrwa mûno mûndû kûgwa njararî cia Ngai ûrîa mûtûûra mwoyo!