1Maû 21:1 - ÎVUKU RÎA ÛVORO MWARO

¹ Caitani nîwavangire kûretera andû a Isiraeli thîna na nîwatûmire Daudi atare andû a Isiraeli.

1Maû 21:1 ပူးပေါင်းရင်းမြစ်များ

1Maû 20:8

Andû acio maarî njiarwa cia andû arîa maarî anene mûno a kuuma Gathu, maaûragirwe nî Daudi na ndungata ciake.

1Maû 27:24

Joabu mûvîcî wa Zeruia nîwambîrîrie gûtara andû a Isiraeli, nwatî ndaanarîkia wîra wa kûmatara. Isiraeli nîmaaverithirue nî Ngai nîûndû wa ûtarani ûcio, kwoguo mwîgana wa andû ndwandîkwa kûrîa kwandîkagwa maûndû ma mûthamaki Daudi.

1Maû 7:40

Andû aya onthe maarî njiarwa cia Asheri, na maarî atongoria a nyomba ciao andû maarî njamba cia mbaara. Mûtaratara wao wonanagia atî maarî na arûme a gûtuîka athigari a mbaara andû ngiri mîrongo îîrî na ithathatû (26,000).

Ayubu 2:1

Mûthenya wîngî ciûmbe cia îgûrû nîciathiîre gûcemania na Ngai-Mûnene rîngî, Caitani wanake nîwathiîre vo.

Ntha 30:12

“Rîrîa ûgaatara andû a Isiraeli, wa mûndû nîakaarîva kîndû gîa kûtheria mwoyo wake kûrî Ngai-Mûnene nîguo rîrîa ûkethîrwa ûkîmatara matikanyitwe nî mûthiro.

Zakaria 3:1

Ngai-Mûnene nîwacokire akîmonia kîoneki kîngî. Kîonekirî kîu nînonire Joshua Mûthînjîri-Ngai mûnene arûngamîte mbere ya mûraika wa Ngai-Mûnene. Nake Caitani aarûngamîte mwena wa ûrîo wa Joshua evarîrîtie kûmûthitanga.

Mathaayo 4:3

Nayo Ngoma nîyathiîre kûrî ke na îkîmwîra atîrî, “Ethîrwa nîwe Mûriû wa Ngai, atha mathiga mama matuîke mîgate!”

Luka 11:53

Rîrîa Jesû aaumire kûu, arimû a watho na Afarisai nîmaamwîngîrîre na vinya mûno na makîmûûria ciûria ciîgiî maûndû meengî. Arimû acio a watho na Afarisai meekire ûguo

Luka 22:31

Jesû nîwacokire akiuga atîrî, “Simoni, Simoni! Tathikîrîria! Caitani nîmûve rûtha rwa kûmûgeria muonthe na acagûranie andû arîa aro kuuma kûrî arîa acûku, wata ûrîa mûrîmi acagûranagia ngano kuuma kûrî macaki.

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

Ahib 10:24

Nîtûtethanagieni na twendanage mûndû na ûrîa wîngî na twîkage ciîko mbaro.

Jakuvu 1:13

Mûndû wa wonthe angîgerua ndakauge atîrî, “Nîragerua nî Ngai.” Nîûndû Ngai ndageragua nî ûndû mûcûku, na ke mwene ndageragia mûndû.

Kûguû 12:10

Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî