1Maû 2:24 - ÎVUKU RÎA ÛVORO MWARO

²⁴ Hezironi akua, mûvîcî Kalebu nîwavikirie Efirathi, mûka wa ndigwa ûrîa warî îthe. Nake nîwagîre mwana nake wetagwa Ashihuri. Ashihuri nîke wambîrîrie îtûûra rîa Tekoa.

1Maû 2:24 ပူးပေါင်းရင်းမြစ်များ

2Sam 14:2

Kwoguo Joabu nîwatûmanîre mûndûmûka ûmwe warî mûûgî watûûraga îtûûrarî rîa Tekoa. Rîrîa mûndûmûka ûcio aathiîre kûrî Joabu, Joabu nîwamwîrire atîrî, “Îîtue atî nîkwa ûracakaya, wîkîre nguo ciaku cia macakaya, na ndûgacanûre njuîrî ciaku na wîtue ta mûndûmûka wîthîrîtwe agîcakaya kavinda karaca.

1Maû 2:23

Nwatî mothamaki ma Geshuri na Aramu nîmaarûire na Jairi na makîîgwatîra matûûra mîrongo îtandatû, wa vamwe na icagi cia Jairi na Kenathi na matûûra marîa maarî vakuvî. Andû onthe arîa maatûûraga kûu maarî njiarwa cia Makiru, îthe wa Gileadi.

1Maû 2:25

Jerahimeli mûvîcî wa Hezironi wa îrikithathi aarî na anake atano. Ramu nîke wa îrikithathi akîrûmîrîrwa nî Buna, Oreni, Ozemu, na Ahija.

1Maû 2:9

Hezironi aarî na anake athatû. Nao maarî: Jerahimeli, Ramu, na Kalebu.

1Maû 4:5

Ashihuri, îthe wa Tekoa aarî na aka aîrî. Ûmwe eetagwa Hela, na ûcio wîngî eetagwa Naara.

Amosi 1:1

Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

1Sam 30:14

Nîtwatharîkîrîte vûrûri wa Akerethi ûrîa ûrî mwena wa îveti wa Juda, wana vûrûri wa mûvîrîga wa Kalebu, na tûkîvîvia Zikilagi na mwaki.”