1Maû 18:4 - ÎVUKU RÎA ÛVORO MWARO

⁴ Daudi nîwatavire ikaari ciake cia mbaara ngiri îmwe (1,000), athigari ngiri mûgwanja (7,000) arîa maathiîcaga matwîte mbarathi na athigari ngiri mîrongo îîrî (20,000) arîa maathiîcaga na magûrû. Daudi nîwaigire mbarathi cia kwîgana gûkururia ikaari îgana rîmwe (100), nwatî nîwatinirie icio ciîngî mîkiva ya magûrû ma vuva.

1Maû 18:4 ပူးပေါင်းရင်းမြစ်များ

Kîam 49:6

Ngoro yakwa, menyerera ndûkanyitanîre mîariorî yao ya nthitho wana ndûkathiî mîcemaniorî yao, nîûndû wa marakara mao nîmaaûragire andû, nîûndû wa ûmaramaru wao nîmaatwire ndegwa ithua.

2Sam 8:4

Daudi nîwamûcunire athigari ngiri îmwe na magana mûgwanja (1,700) arîa maathiîcaga matûîte mbarathi na athigari ngiri mîrongo îîrî (20,000) arîa maathiîcaga na magûrû. Nîwatigaririe mbarathi cia kwîgana cia gûkururia ikaari îgana rîmwe, agîcoka agîtemanga icio ciîngî mîkiva ya magûrû ma vuva igîtuîka cionje.

1Atha 10:26

Solomoni nîwaûnganirie vamwe ikaari cia mbaara na andû arîa maathiîcaga matûîte mbarathi. Aarî na ikaari ngiri îmwe na magana mana (1,400) cia mbaara, na athigari ngiri îkûmi na igîrî (12,000) arîa mathiîcaga matûîte mbarathi. Aamaigire matûûrarî marîa maaigagwa ikaari cia mbaara, nao acio engî akîmaiga Jerusalemu kwa mûthamaki.

1Atha 4:2

Ndungata ciake irîa ciarî cia vata mûno ciarî mûthînjîri-Ngai Azaria, mûvîcî wa Zadoku.

1Maû 18:3

Daudi nîwatharîkîre mûthamaki Hadadezeri wa Zoba vakuvî na vûrûri wa Hamathi. Vîndî îo Hadadezeri aageragia kûnenevia ûthamaki wake ûkinye mwena wa îgûrû wa rûnjî rwa Farati.

1Maû 18:5

Rîrîa athigari a Sîria a kuuma Damesiki maathiîre gûtethia mûthamaki Hadadezeri wa Zoba, Daudi nîwamatharîkîre na nîwaûragire athigari ngiri mîrongo îîrî na igîrî (22,000) a Sîria.

Thaburi 20:7

Andû amwe metîîaga na ikaari ciao cia mbaara, nao engî magetîîa na mbarathi ciao, nwatî tue twîtîîaga na Ngai-Mûnene, Ngai wetû.

Gûco 17:16

Mûthamaki ûcio ndakethîrwe na mbarathi nyîngî, na ndagatûme andû Misiri kûgûra mbarathi nîûndû Ngai-Mûnene aaugire atî andû ake matigaacoka Misiri rîngî.

Josh 11:6

Ngai-Mûnene nîwerire Joshua atîrî, “Ndûgetigîre nîûndû wao. Rûciû thaa ta ino nîngethîrwa mbûragîte athigari aya onthe nîûndû wa andû a Isiraeli. Nawe nîûgaatemanga mîkiva ya magûrû ma mbarathi nîguo iremwe nî kûthiî na ûcoke ûvîvie ikaari cia mbarathi.”

Josh 11:9

Joshua nîwamekire wata ûrîa aathîtwe nî Ngai-Mûnene. Nîwatemangire mîkiva ya magûrû ma mbarathi nîguo itîkaavote kûthiî na akîvîvia ikaari ciacio.