1Maû 18:12 - ÎVUKU RÎA ÛVORO MWARO

¹² Abishai mûvîcî wa Zeruia nîwavootire andû a Edomu na akîûraga athigari ngiri îkûmi na inyanya (18,000) marî Kîamndarî Kîam cumbî.

1Maû 18:12 ပူးပေါင်းရင်းမြစ်များ

2Sam 10:10

Nîwacokire akiga athigari acio engî marî rungu rwa mûrwang'ina Abishai, ûrîa nake wacokire akiga athigari acio meerekanîrîte na Aamoni.

2Sam 10:14

Rîrîa Aamoni moonire atî andû a Sîria nîmatoroka, nîmaatiganîrie Abishai na magîcoka îtûûrarî rîao. Joabu nîwatigire kûrûa na Aamoni na agîcoka Jerusalemu.

2Sam 20:6

Kwoguo mûthamaki Daudi nîwerire Abishai atîrî, “Sheba mûvîcî wa Bikiri nîke ûgûtûthînia makîria ya Abusalomu. Oca ndungata ciakwa ûmûrûmîrîre na îvenya mbere ya akinya matûûra marîa mairigîre na atûthînie.”

2Sam 21:17

Nwatî Abishai mûvîcî wa Zeruia nîwathiîre gûtethia Daudi. Nîwatharîkîre Mûfilisiti ûcio na akîmûraga. Nao andû a Daudi nîmaacokire makîmwîrîra na mwîvîtwa atîrî, “Tûtikaathiî mbaararî nawe rîngî, nîûndû we nîwe kîîrîgîrîro gîetû, na tûtingîenda kûrwa nîwe.”

2Sam 23:18

Abishai mûrwang'ina na Joabu (arîa ng'ina eetagwa Zeruia) nîke warî mûtongoria wa athigari acio meecîkene ta njamba mîrongo îthatû. Nîwarûire na andû magana mathatû arî na îtumû rîake na akîmaûraga. Nîûndû wa ûguo, nîwacokire akîgîa îgweta înene gatagatîrî ka “Njamba icio mîrongo îthatû.”

2Sam 3:30

Kwoguo Joabu na mûrwang'ina Abishai maaûragire Abineri nîguo merîvîrîrie kûûragwa kwa mûrwang'ina Asaheli ûrîa Abineri aaûragîre mbaararî îrîa yarî Gibeoni.

2Sam 7:13

Ûcio nîke ûkaandumîra hekarû na nîngaatûma ûthamaki wake ûtûûre tene na tene.

1Atha 11:15

Vîndî îrîa Daudi arî Edomu, nake Joabu arî mûnene wa athigari ake a mbaara, nîwathiîre kûthika andû arîa maaûragîtwe na nîwaûragire arûme onthe a Edomu.

2Atha 14:7

Amazia nîwaûragîre athigari a Edomu Kîandarî gîa cumbî na akîîgwatîra îtûûra rînene rîa Sela na akîrîta Jokitheeli, na nwaguo rîtagwa nginya ûmûnthî.

1Maû 11:20

Abishai, mûrwang'ina wa Joabu nîke warî mûtongoria wa athigari arîa njamba mîrongo îthatû. Nîwocire îtumû rîake na akîrûa na arûme magana mathatû na akîmaûraga onthe. Kwoguo nîwagîre îgweta wata acio athatû.

1Maû 18:11

Mûthamaki Daudi nîwamûrire indo icio ituîke cia Ngai-Mûnene. Aaciamûrire irî vamwe na sîlûva na thaavu îrîa aarutîte mavûrûrirî marîa aavootete. Mavûrûri mau nî: Edomu, Moabu, Aamoni, Filisiti na Amaleki.

1Maû 18:13

Mûthamaki Daudi nîwatumire ciîkaro cia athigari kûu Edomu na andû akuo onthe nîmaatuîkire ndungata ciake. Ngai-Mûnene nîwatûmaga Daudi avootane kûrîa kuonthe aathiîcaga.

1Maû 19:11

Nake nîwavangire athigari acio engî marûngamîrîrîtwe nî mûrwang'ina Abishai, makarûe na athigari a Aamoni.

1Maû 2:16

Aa mwarwang'ina maarî: Zeruia na Abigaeli. Mwarî wa Jesii ûrîa wetagwa Zeruia aarî na anake athatû; Abishai, Joabu na Asaheli.

2Maû 25:11

Nwatî Amazia nîweyûmîrîrie na agîtongoria athigari ake a mbaara na makîthiî Kîamndarî gîa cumbî. Kûu nîkuo aaûragîre athigari ngiri îkûmi a kuuma Seiru (Edomu).

Thaburi 60:1

We Ngai, nîûtûtiganîrîtie, na nîûtûvootete; nîûrakarîte nî tue, nwatî rîu tûcokerere.

Thaburi 60:2

Nîûtûmîte vûrûri winaine na watûkane; cokanîrîria vûrûri rîngî nîûndû nîkwa ûrathira.

1Sam 26:6

Daudi nîwaûririe Ahimeleku ûrîa Mûhiti na Abishai mûrwang'ina na Joabu (ng'ina eetagwa Zeruia) atîrî, “Nî ûrîkû gatagatîrî kenyu muoîrî tûkûthiî nake îgemarî rîa Saûlo?” Nake Abishai nîwacokirie atîrî, “Nî nie.”

1Sam 26:8

Abishai nîwerire Daudi atîrî, “Ngai nîanenganîrîte nthû yaku kûrî we ûmûnthî. Mbîtîkîria nîmûmunde na îtumû rîu rîake, nîmûmunda riita rîmwe nînîmûmundithanie na nthî, tînîmûmunda maita maîrî!”