1Maû 18:11 - ÎVUKU RÎA ÛVORO MWARO

¹¹ Mûthamaki Daudi nîwamûrire indo icio ituîke cia Ngai-Mûnene. Aaciamûrire irî vamwe na sîlûva na thaavu îrîa aarutîte mavûrûrirî marîa aavootete. Mavûrûri mau nî: Edomu, Moabu, Aamoni, Filisiti na Amaleki.

1Maû 18:11 ပူးပေါင်းရင်းမြစ်များ

1Atha 7:51

Rîrîa Solomoni aarîkirie wîra wonthe wa hekarû, nîwekîrire kuo indo irîa îthe Daudi aamûrîrîte Ngai-Mûnene. Nacio ciarî: sîlûva, thaavu, na indo irîa ciîngî cionthe. Nîwacigire mûthithûrî wa indo cia hekarû.

2Atha 12:18

Joashi, mûthamaki ma Juda nîwocire matega monthe marîa Jehoshafati, Jehoramu, na Ahazia, athamaki a Juda maamûrîrîte Ngai-Mûnene. Nîwamonganîrîrie na matega make ke mwene vamwe na thaavu yonthe îrîa yarî mûthithûrî wa hekarû na nyomba ya mûthamaki na agîitûma cionthe irî kîveo kûrî Hazaeli mûthamaki wa Sîria. Hazaeli nîwacokire akiuma Jerusalemu.

1Maû 18:10

Tou nîwatûmire mûvîcî Hadoramu athiî kûrî Daudi amûvirîre ngethi na amûcokerie ngatho nîûndû wa kûvoota Hadadezeri. Mûthamaki Tou na Hadadezeri nîmaarûîte mbaara maita meengî. Kwoguo Tou nîwatûmanire Daudi avirîrwe indo nyîngî ciarûthîtwe na thaavu, sîlûva na gîcango.

1Maû 18:12

Abishai mûvîcî wa Zeruia nîwavootire andû a Edomu na akîûraga athigari ngiri îkûmi na inyanya (18,000) marî Kîamndarî Kîam cumbî.

1Maû 22:14

Nîmvotete gûcaria indo cia gûtuma hekarû ya Ngai-Mûnene na thîna mwîngî. Nîmbigithîtie makîria ma tani ngiri ithatû na magana mana cia thaavu (3,400), na tani ngiri mîrongo îthatû na inya (34,000) cia sîlûva, gîcango na cuuma itarî nthime nîûndû nî nyîngî mûno. Kûrî na mbaû na mathiga mbigîte, nwatî nwanginya ûgaaciongerera.

1Maû 26:20

Alawi acio engî nîmaamenyagîrîra kîgîna Kîam hekarû na nyomba irîa ciaigagwa indo irîa ntheru.

1Maû 29:14

“Nwatî nîrî û nie na andû akwa nî arîkû atî nîguo tûkûrutîre na ûtana? Indo cionthe ciumaga kûrî we na twagûcokeria irîa watûveere.

2Maû 5:1

Ûguo nîguo mûthamaki Solomoni aarîkirie wîra wonthe wa hekarû. Nîwacokire akîrete indo cionthe irîa îthe Daudi aamûrîrîte Ngai-Mûnene na agîciga tûnyombarî twa hekarû twa kwigwa indo. Indo icio ciarî sîlûva, thaavu na indo cionthe cia hekarû.

Ntha 35:5

Rutagîrani Ngai-Mûnene matega. Mûndû wa wonthe ûrî na wendi wa gwîka ûguo nîaretagîre Ngai-Mûnene matega ma thaavu, sîlûva, na gîcango,

Mika 4:13

Ngai-Mûnene augîte atîrî, “Mue andû a Zayuni, thiîni mûkaverithie nthû cienyu! Nîngaatûma mûgîe na vinya ta wa ndegwa, îrî na mvîa cia cuuma na mavûngû ma cuuma ya gîcango. Nîmûkavoota andû a mavûrûri meengî, na nîmûkaanyamûrîra ûtonga wao ûrî îtega, mûndutîre indo ciao, nie Mwathani wa nthî yonthe.”

Josh 6:19

Kîndû kîonthe kîthondeketwe na sîlûva, thaavu, gîcango na cuuma nîkîamûrîre Ngai-Mûnene. Icio cionthe nîikaaigwa kîgînarî Kîam Ngai-Mûnene.”

Josh 6:24

Nîmaacokire makîvîvia îtûûra wana indo cionthe irîa ciarî kuo. Nwatî matiavîvia indo irîa ciarûthîtwe na sîlûva, thaavu, gîcango na cuuma. Indo icio ciaigirwe kîgînarî Kîam Ngai-Mûnene.

1Sam 30:13

Daudi nîwamûûririe atîrî, “Mwathi waku nû, na umîte kû?” Nake nîwacokirie atîrî, “Nie nîrî mwanake Mûmisiri na nîrî ndungata ya Mûamaleki. Mwathi wakwa aandigire ava mîthenya îthatû mîthiru narwara.

1Sam 30:20

Nîwacokire agîcokithia ng'ombe na ng'ondu. Nao andû ake nîmaavirire ndîthia icio mbere na ikîmatongoreria na nîmaathiîre makiuga atîrî, “Ino nî indo irîa Daudi atavîte.”