1Maû 17:26 - ÎVUKU RÎA ÛVORO MWARO

²⁶ Ngai-Mûnene, we nîwe Ngai na nîwîrîrîte ndungata yaku ûndû ûyû mwaro.

1Maû 17:26 ပူးပေါင်းရင်းမြစ်များ

1Maû 17:25

Ngai wakwa, nîûmenyithîtie nie ndungata yaku atî nîûgaatûma andû a nyomba yakwa matuîke athamaki. Kwoguo nîrî na ûmîrîru wa gûkûvoya nîrî mbere yaku.

1Maû 17:27

Kwoguo nîngûkûria ûrathime andû a nyomba ya ndungata yaku nîguo matûûre mbere yaku tene na tene, nîûndû we Ngai-Mûnene arîa magûkenagia kîrathimo gîaku gîtûûraga kûrî o tene na tene.”

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.