1Maû 17:17 - ÎVUKU RÎA ÛVORO MWARO

¹⁷ Makîria ma ûguo nîûmbîkîte maûndû manene makîria, nîûndû nîwîrîrîte njiarwa ciakwa maûndû ma mîaka îrîa îgaaûka. We Ngai-Mûnene Ngai nîûnduîte ta mûndû ûrî na vata mûno.

1Maû 17:17 ပူးပေါင်းရင်းမြစ်များ

2Sam 12:8

Nînaakûvere ûthamaki wake wana aka ake; nînaagûtuire mûthamaki wa Isiraeli na Juda. Ethîrwa maûndû mau matingîakwîganire, nîngîakûongerera mengî.

2Sam 7:19

Nwatî wonete kau karî kaûndû kanini we Mwathani Ngai-Mûnene. Nîûthondekete ciîranîro îgûrû rîgiî njiarwa ciakwa mîaka mîîngî îgaaûka. Na nîwîtîkîrîte mone ûndû ûyû, we Mwathani Ngai-Mûnene!

1Atha 3:13

Nîngûva wana kîrîa ûtanavoya. Nîngûkûva ûtonga na gîtîîo ûtûûrorî waku wonthe, na gûtikethîrwa kûrî na mûthamaki wîngî tawe.

2Atha 3:18

Gaka nî kaûndû kanini mûno Ngai-Mûnene agîka. Wana nîakaamûvotithia kûvoota Amoabu.

1Maû 17:16

Mûthamaki Daudi nîwacokire akîthiî îgemarî rîa Ngai-Mûnene, agîkara nthî na akiuga atîrî, “Nie nîrî û Ngai-Mûnene, Ngai. Mûciî wakwa nî ndûî nîguo ûnginyîrie maûndû mama monthe?

1Maû 17:18

Nie Daudi ndungata yaku nîngiuga atîa makîria. We nîûmbicî na nîûmvete gîtîîo.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.