1Maû 16:40 - ÎVUKU RÎA ÛVORO MWARO

⁴⁰ Mûthenya wa mûthenya nîmaarutaga matega ma kûvîvua, na kîraûko na kîvwaî nîmaavîvagîria matega mau metharî ya kîgongoona wata ûrîa kwandîkîtwe wathorî wa Ngai-Mûnene ûrîa aathire andû a Isiraeli.

1Maû 16:40 ပူးပေါင်းရင်းမြစ်များ

2Sam 8:17

Zadoku mûvîcî wa Ahitubu, marî na Ahimeleku mûvîcî wa Abiatharu nîo maarî athînjîri-Ngai; nake Seraia nîke warî mwandîki.

1Atha 18:29

Wana thaa thita ciavîtûka, nîmaathiîre na mbere kugîrîria ta andû a ngoma makîvoyaga ngai wao nginya kîvwaî rîrîa matega maarutagwa; nwatî gûtirî mûgambo weguîkire, gûtirî mûndû wamacokerie na gûtirî mûndû wamathikîrîrie.

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 31:3

Mûthamaki nîwarutire kuuma ndîthiarî yake nyamû cia magongoona ma kûvîvua ma kîraûko na ma kîvwaî, cia magongoona ma kûvîvua ma mîthenya ya thavatû, cia gûkûngûîra irugorî cia mweri wacicûka na cia irugo irîa mbîtîkîrie wata ûrîa kwandîkîtwe wathorî wa Ngai-Mûnene.

Ezira 3:3

Wana ethîrwa nîmeetigagîra andû arîa maatûûraga vûrûri ûcio, nîmaatumire metha ya kîgongoona wa varîa yarî mbere. Nao nîmaacokire makîambîrîria rîngî kûrutîra Ngai-Mûnene matega ma kûvîvua vo kîraûko na kîvwaî.

Danieli 9:21

Gaburieli, mûndû ûrîa noonire kîonekirî gîakwa Kîam mbere, nîwaûkire na îvenya nginya varîa naarî. Vîndî îo nîrîo magongoona ma kîvwaî maarutagwa.

Alawi 9:17

Nîwacokire akîvira îtega rîa irio cia mûgûnda, agîkumbata ngundi îmwe îcûrîte na akîivîvîria îgûrû rîa metha ya kîgongoona vamwe na matega marîa maarutagwa iraûko cionthe.

Amosi 4:4

Ngai-Mûnene arauga atîrî, “Andû a Isiraeli thiîni Betheli mûkevie na mûthiî Giligali mwîvie mûno. Viragani magongoona menyu wa kîraûko na mûvirage gîcunjî gîa îkûmi vuva wa mîthenya îthatû.