1Maû 16:4 - ÎVUKU RÎA ÛVORO MWARO

⁴ Daudi nîwathuurire Alawi amwe na akîmava wîra wa gûtongoria kûgooca Ngai-Mûnene, gûcokia ngatho na kwina nyîmbo cia gûkumia Ngai-Mûnene, Ngai wa Isiraeli marî mbere ya îthandûkû rîa kîrîkanîro.

1Maû 16:4 ပူးပေါင်းရင်းမြစ်များ

Kîam 17:7

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Kîam 33:20

Jakovu nîwatumire metha ya kîgongoona na agîta vandû vau Eli.

1Atha 8:15

Nîwaugire atîrî, “Ngai-Mûnene, Ngai wa Isiraeli arogoocwa. Nîûndû na vinya wake nîavingîtie kîîranîro kîrîa eerîre vava Daudi rîrîa aaugire atî,

1Maû 15:16

Nîwathire anene a Alawi mathuure andû amwe ao a kwina makîvûraga indo ta ngita na ithaani irîa iringithanagua nîguo maine nyîmbo na gîkeno maugîrîrîtie.

1Maû 16:3

na nîwagaîre andû onthe a Isiraeli aka na arûme, wa mûndû mûgate, gîcunjî Kîam nyama îrî mbokie na tûmîgate twa thavibu.

1Maû 16:5

Asafu ûrîa waringithanagia ithaani irîa igambaga nîke wathuurirwe arî mûtongoria, nake Zekaria nîke wamûtethagia. Nao Jeieli, Shemirathothi, Jehieli, Matithia, Eliabu, Benaia, Obedi-edomu na Jeieli nîo maavûraga ngita na mîtûrirû.

1Maû 16:8

Cokiani ngatho kûrî Ngai-Mûnene, mwanîrîre ûnene wake, menyithiani andû maûndû marîa ekîte.

1Maû 24:3

Mûthamaki Daudi nîwatethirue nî mûthînjîri-Ngai Zadoku wa njiarwa cia Eleazaru na mûthînjîri-Ngai Ahimeleku wa njiarwa cia Ithamaru kûmagaania kûringana na mawîra marîa maavetwe ma ûtungati.

1Maû 25:1

Mûthamaki Daudi na anene a hekarû nîmaathuurire avîcî amwe a Asafu, Hemani na Jeduthuni nîûndû wa ûtungati wa nyîmbo. Maakumagia Ngai-Mûnene magîtûmagîra indo cia kwina ciagathîtwe na ndigi, ngita na ithaani irîa ciaringithanagua. Mûtaratara wa andû acio na wîra ûrîa maarutaga nî ûyû:

1Maû 6:31

Mûthamaki Daudi nîwathuurire andû a gûtongoragia ûtungatarî wa nyîmbo hekarûrî. Maambîrîrie ûtungati ûcio îthandûkû rîa kîrîkanîro rîatonyua hekarûrî.

2Maû 5:13

Aini a nyîmbo, ngita, ithaani irîa iringithanagua, tûrumbeta na indo irîa ciîngî cia kwina nîmaagwatanîre na makina na mûgambo ûmwe magîkumia Ngai-Mûnene na kûmûcokeria ngatho makiugaga atîrî, “Kumiani Ngai-Mûnene nîûndû nî mwaro, wendo wake ûtathiraga nî wa tene na tene.” Hekarû ya Ngai-Mûnene nîyecûrirwe nî îtu,

Ezira 3:10

Vîndî îrîa atumi a hekarû maarîkirie gûtuma mûcingi wayo, athînjîri-Ngai mekîrîte nguo ciao cia ûtungata nîmoocire tûrumbeta. Nao Alawi, ciana cia Asafu nîmoocire ithaani irîa iringithanagua rîrîa andû makwina nyîmbo, na onthe nîmaambîrîrie gûkumia Ngai-Mûnene kûringana na kîrîra kîrîa gîatigirwe nî Daudi mûthamaki wa Isiraeli.

Nehemia 12:24

Atongoria a Alawi maarî: Hashabia, Sherebia, Jeshua mûvîcî wa Kadimieli. Nao aa mûrwang'ina nîmaarûngamaga mwena ûcio wîngî merekanîrîte na nîmaainaga nyîmbo cia gûkumia na gûcokia ngatho kûrî Ngai kûringana na ûrîa Daudi mûndû wa Ngai amaathîte.

Thaburi 103:2

We Ngoro yakwa, kumia Ngai-Mûnene, ndûkariganîrwe nî maûndû maro marîa ekîte.

Thaburi 105:5

Ririkanani maûndû ma magegania marîa eekire, ciama ciake na ûrîa aaririe ûvoro wa gûtucanîra ciira.

Thaburi 106:48

Ngai-Mûnene, Ngai wa Isiraeli arokumua; arokumua tene na tene! Andû onthe nîmauge, “Ameni!”

Thaburi 37:1

Mûtikamakue nî andû arîa aganu; mûtikeguîre wîru arîa mekaga naaî.

Thaburi 70:1

Mvonokia, we Ngai! we Ngai-Mûnene, ûka na îvenya ûndethie!

Thaburi 72:18

Ngai-Mûnene, Ngai wa Isiraeli arokumua! Nîke wenga tu wîkaga maûndû ma magegania.