1Maû 16:31 - ÎVUKU RÎA ÛVORO MWARO

³¹ Îgûrû nîrîkene na nthî îcanjamûke! Îrani ndûrîrî atî Ngai-Mûnene nî mûthamaki.

1Maû 16:31 ပူးပေါင်းရင်းမြစ်များ

1Maû 16:30

Andû onthe a nthî nîmainaine marî mbere yake! Aigîte nthî vandû vekindîru na ndînginaina.

Thaburi 145:1

Nîngûkwambararia we Ngai wakwa, mûthamaki wakwa; na ngumagie rîîtwa rîaku tene na tene.

Thaburi 19:1

Îgûrû maturî nîriumbûraga riiri wa Ngai, îgûrû rîerarî nîkwonanagia riiri wake!

Thaburi 47:8

Ngai athaga mavûrûri monthe, ekaragîra gîtî gîake kîtheru Kîam ûthamaki.

Thaburi 89:5

Tiga îgûrû rîkumie maûndû maku ma magegania we Ngai-Mûnene; arîa atheru nîmakumie wîvokeku waku.

Thaburi 96:10

Îrani mavûrûri monthe atîrî, “Ngai-Mûnene nî mûthamaki. Nthî nîîkindîrîtie na ndîngîenyenyeka; ke agaatuîra andû na kîvooto.”

Thaburi 97:1

Ngai-Mûnene nî arathana, kena we nthî. Kenani, mue icîgîrîra irîa irî îriarî!

Thaburi 98:4

Andû onthe a nthî inîrani Ngai-Mûnene mûrî na gîkeno, mwinîreni nyîmbo cia kûmûkumia mûrî na gîkeno.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 44:23

Kenani mue arîa onthe mûtûûraga îgûrû, nîûndû Ngai-Mûnene nîekîte ûguo! Anîrîrani mue nthî kûrîa kûriku! Inani mûkenete mue irîma, mîtitû na mîtî yonthe îrîa îrî kuo! Nîûndû Ngai-Mûnene nîakûûrîte Jakovu, na nîatûûra akumagua vûrûrirî wa Isiraeli.

Isaia 49:13

Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Luka 15:10

Nîramwîra atî, ûguo nwa guo araika a Ngai makenagîra mwîvia ûmwe ûrîa wîrirîte mevia make.”

Luka 2:10

Nake mûraika ûcio nîwamerire atîrî, “Tigani kûmaka! Nie nîmûretere ûvoro mwaro na wa gîkeno kînene kûrî andû onthe,

Kûguû 19:6

Ngîcoka ngîgua mûgambo ta wa andû eengî mûno. Mûgambo ûcio wagambaga ta mûgambo wa ndurumo ya manjî meengî mûno, kana mûrurumo mûnene wa ngwa. Nao maaugaga atîrî, “Ngai arokumua! ‘Nîûndû Mwathani, Ngai wetû mwene vinya wonthe, nî mûthamaki!’