1Maû 15:14 - ÎVUKU RÎA ÛVORO MWARO

¹⁴ Kwoguo athînjîri-Ngai na Alawi nîmeetheririe nîguo makuue îthandûkû rîa kîrîkanîro Kîam Ngai-Mûnene, Ngai wa Isiraeli.

1Maû 15:14 ပူးပေါင်းရင်းမြစ်များ

1Maû 15:12

Nake nîwamerire atîrî, “Mue mûrî anene a mbarî cia Alawi. Îtherieni na mûtherie andû enyu nîguo mûvote kûreta îthandûkû rîa kîrîkanîro Kîam Ngai-Mûnene, Ngai wa Isiraeli rîvirwe vandû varîa nîrîvarîrîtie.

1Maû 15:15

Alawi nîmaakuuire îthandûkû rîa kîrîkanîro Kîam Ngai. Maavûthîre mîtî kûrîkuua na ituro wata ûrîa Ngai-Mûnene aathanîte na njîra ya Musa.

2Maû 29:15

Andû aya maagomanirie Alawi acio engî vamwe na nîmeetheririe. Nîmaacokire makîthiî hekarûrî kûmîtheria wata ûrîa maathîtwe nî mûthamaki kûringana na watho wa Ngai-Mûnene.

2Maû 29:34

Nwatî Athînjîri-Ngai maarî anini mûno na matingîavotire kûthînja nyamû icio cionthe cia matega ma kûvîvua. Kwoguo andû ao, Alawi nîmaamatethirie nginya wîra ûcio ûkîthira. Vîndî îo athînjîri-Ngai engî eengî nîmeetheretie. (Alawi meethagîrwa marî atheru gûkîra athînjîri-Ngai.)

2Maû 5:11

Athînjîri-Ngai onthe a ikundi cionthe arîa maagomanîte kuo nîmaaumire vandû varîa vatheru meyamûrîte na metheretie.

Nehemia 12:30

Athînjîri-Ngai na Alawi nîmaathondekire magongoona ma kwîtheria o ene, kûtheria andû, ivingo, na rûthingo rwa îtûûra rîa Jerusalemu.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.