1Maû 14:2 - ÎVUKU RÎA ÛVORO MWARO

² Nake Daudi nîwamenyire atî Ngai-Mûnene nîwamûtuîte mûthamaki wa Isiraeli na ûthamaki wake nîwathiîcaga ûkînenevaga nîûndû Ngai-Mûnene nîwendete andû ake.

1Maû 14:2 ပူးပေါင်းရင်းမြစ်များ

2Sam 7:16

Nî ûkaagîa na njiarwa vîndî cionthe na ûthamaki waku ndûkaathira. Nakîo gîtî gîaku Kîam ûthamaki nî gîgaatûûra tene na tene.’ ”

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Atha 10:9

Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

1Maû 14:1

Mûthamaki Hiramu wa Turo nîwatûmire anjaama kûrî Daudi, na agîtûma mîtî ya mîtarakwe, mavundi ma gûtuma na mathiga na mavundi ma mbaû nîguo magatumîre Daudi nyomba.

1Maû 14:3

Daudi arî Jerusalemu nîwavikirie aka eengî na agîciara avîcî eengî na erîtu eengî.

1Maû 17:17

Makîria ma ûguo nîûmbîkîte maûndû manene makîria, nîûndû nîwîrîrîte njiarwa ciakwa maûndû ma mîaka îrîa îgaaûka. We Ngai-Mûnene Ngai nîûnduîte ta mûndû ûrî na vata mûno.

2Maû 2:10

Nîngaakûnengera tani ngiri igîrî (2,000) cia ngano, cairi tani ngiri igîrî (2,000), lita ngiri magana mana (400,000) cia ndivei na lita ngiri magana mana (400,000) cia maguta ma ndamaiyû.”

2Maû 2:11

Nake Hiramu, mûthamaki wa Turo nîwacokerie Solomoni maarûa amwandîkîrîte atîrî, “Solomoni, Ngai-Mûnene nîaragûtwire mûthamaki wa andû ake nîûndû nîamendete.

Esita 4:14

Nîûndû ûngîkira îvinda ta rîrî, Ayahudi nîmakaagîa ûtethio kuuma vandû vengî, nwatî we vamwe na andû onthe a mûciî wa aguo nîmûkaaûragwa. Nû wicî atî twa kwîthîrwa we watuîkire mûka wa mûthamaki nîûndû wa îvinda ta rîrî?”

Danieli 2:30

Naguûrîrue nthitho îno tî atî nîûndû wa ûrîa naarî mûûgî gûkîra andû arîa engî onthe, nwatî nîguo we Mûthamaki ûtaûkîrwe nî kîroto gîaku nîguo ûmenye ûrîa wîciragia.

Ndari 24:7

Ndoo ciao ikethagîrwa irî na manjî ma kwîgana, mîgûnda yao îkethagîrwa îrî na mbura ya kwîgana. Mûthamaki wao akethîrwa arî mûnene gûkîra Agagi, ûthamaki wake ûkethagîrwa ûrî mûnene na mwariî.

Gûco 28:1

“Ethîrwa nî mûkwathîkîra Ngai-Mûnene, Ngai wenyu, na mûrûmagîrîre na kinyi maathani make monthe marîa ngûkwatha ûmûnthî, Ke nîakaamûtua rûrîrî rûnene gûkîra ndûrîrî cionthe cia nthî.