1Maû 13:3 - ÎVUKU RÎA ÛVORO MWARO

³ Tûcoke tûthiî tûgîre îthandûkû rîa kîrîkanîro Kîam Ngai wetû rîcoke kûrî tue. Nîûndû nîtwarîtiganîrie vîndî îrîa Saûlo aarî mûthamaki.”

1Maû 13:3 ပူးပေါင်းရင်းမြစ်များ

1Maû 13:2

Nîwacokire akîra andû onthe a Isiraeli arîa maagomanîte atîrî, “Ethîrwa nîmûkwona kwagîrîrîte na wîthîrwe nîguo wendi wa Ngai-Mûnene, Ngai wetû, tigani tûtûme anjaama kûrî andû etû arîa engî marî vûrûrirî wonthe wa Isiraeli. Na tûtûme anjaama kûrî athînjîri-Ngai na Alawi arîa marî matûûrarî marîa marî na kûndû gwa kûrîthua tûgomane vamwe.

1Maû 13:4

Andû onthe nîmeetîkanirie na Daudi nîûndû nîmoonire ûguo arî guo kwagîrîrîte.

1Maû 15:13

Ngai-Mûnene, Ngai wetû nîwatûverithirie nîûndû tûtiarîkuua vîndî ya mbere na tûtiarîmenyarera ta ûrîa aathanîte.”

Thaburi 132:6

Tûrî Bethilehemu nîtwegwire ûvoro wa îthandûkû rîa kîrîkanîro, na tûkîrîthîrîria mîgûndarî ya Jearimu.

1Sam 14:18

Nake Saûlo nîwerire Ahija, ûrîa mûthînjîri-Ngai atîrî, “Rete îthandûkû rîa Kîrîkanîro rîa Ngai ava.” (Mûthenya ûcio, Ahija aathiîte arîkuîte arî mbere ya andû a Isiraeli.)

1Sam 14:36

Nake Saûlo nîwerire arûme ake atîrî, “Tigani tûnyûrûrûke kûrî Afilisiti ûtukû wa ûmûnthî tûkamacune indo ciao, na tûmaûrage onthe nginya rûyû macangîa.” Nao magîcokia na makiuga atîrî, “Îka wa ûrîa we ûkwona kwagîrîrîte.” Nwatî mûthînjîri-Ngai nîwaugire atîrî, “Tigani twambe tûvoe Ngai.”

1Sam 22:10

Nake Ahimeleku nîwavoire Ngai-Mûnene vandûrî va Daudi na nîwacokire akîva Daudi irio na akîmûnengera rûviû rwa Goliathu ûrîa Mûfilisiti.”

1Sam 22:15

Ûmûnthî tîguo mûthenya wa mbere kûvoya Ngai vandûrî vake. Mûthamaki, ndûgaîcirie ûndû mûcûku wîgiî ndungata yaku kana andû a nyomba vava, nîûndû ndiîcî wanarî ûndû ûmwe wa maûndû mau!”

1Sam 23:2

Kwoguo Daudi nîwaûririe Ngai-Mûnene atîrî, “Nthiî ngatharîkîre Afilisiti?” Nake Ngai-Mûnene nîwerire Daudi atîrî, “Îî thiî ûmatharîkîre na ûvonokie îtûûra rîa Keila.”