1Maû 12:2 - ÎVUKU RÎA ÛVORO MWARO

² Nîmaicî gûtûmîra ûta na nîmangîakagia mîguî na magaikia mathiga na gîkûtha na njara ya ûrîo kana ya ûmotho. Arûme acio maarî a kuuma mûvîrîgarî wa Benjamini na maarî a mbarî ya Saûlo.

1Maû 12:2 ပူးပေါင်းရင်းမြစ်များ

1Maû 12:29

Kuuma mûvîrîgarî wa Benjamini kwarî na athigari ngiri ithatû (3,000). Ûyû nîguo warî mûvîrîga wa mûthamaki Saûlo na andû eengî a mûvîrîga wa Benjamini maarî evokeku mûciîrî wa Saûlo.

1Maû 12:3

Mûtongoria wao etagwa Ahiezeri na aatethagîrîrua nî mûrwang'ina Joashi. Oîrî maarî avîcî a Shema kuuma Gibea. Jezieli na Peleti avîcî a Azimavethi, Beraka na Jehu kuuma Anathothi,

1Maû 8:40

Avîcî a Ulamu maarî njamba cia mbaara na andû a kûguîma. Aarî na avîcî engî, na ciana cia avîcî a avîcî ake eengî. Onthe maarî îgana rîa mîrongo îtano (150) na onthe maarî njiarwa cia Benjamini.

Thaburi 78:9

Wana ethîrwa andû a Efiraimu maarî na moota na mîguî, nîmaaûrire nî nthû ciao rîrîa maarî mbaararî.

Atir 20:16

Gatagatî ka andû acio kwarî na andû magana mûgwanja (700), wa mûndû ûngîavotaga gwikia kathiga na gîkûtha gakaringa vandû varî na wariî ta wa rûcuîrî na ndangîvîtia.

Atir 3:15

Nwatî rîrîa Aisiraeli maarîrîre Ngai-Mûnene, Ngai-Mûnene nîwamatûmîre mûndû wetagwa Ehudi nîguo amavonokie. Ehudi aarî mûvîcî wa Gera, Mûbenjamini na aarî wa njara ya ûmotho. Andû a Isiraeli nîmaanenganîre iveo kûrî Ehudi nîguo avirîre Egiloni mûthamaki wa Moabu.

1Sam 17:49

Nîwacokire akîruta kathiga mûvukorî wake, agîgekîra gîkûtharî na akîringa Goliathu kîthithi nako. Kathiga kau nîgaatonyire ndaarî ya nyama na Goliathu akîgûa nthî na îvu.