1Maû 11:9 - ÎVUKU RÎA ÛVORO MWARO

⁹ Daudi nîwathiîre na mbere akîgîcaga na vinya mûno nîûndû Ngai-Mûnene mwene vinya wonthe nîwamûtethagia.

1Maû 11:9 ပူးပေါင်းရင်းမြစ်များ

2Sam 3:1

Mbaara nîyathiîre na mbere kavinda karaca gatagatîrî ka andû arîa maarî mwena wa Saûlo na arîa maarî mwena wa Daudi. Daudi na andû ake nîmaakîrîrîrie kûgîa vinya, nwatî Saûlo na andû ake magîkîrîrîria kûthira vinya.

2Sam 5:10

Daudi nîwathiîre na mbere kûgîa na vinya nîûndû Ngai-Mûnene, Ngai mwene vinya wonthe aarî vamwe nake.

1Maû 11:8

Nîwatumire îtûûra rîu ambîrîrîtie kûrîa kwarî gwîcûrie mûthetu na akîthiî rûthingorî rûrîa rwathiûrûrûkîrîtie îtûûra. Nake Joabu nîwatumire kûu kwîngî gwatigarîte gwa îtûûra.

1Maû 9:20

Mbererî Finehasi mûvîcî wa Eleazaru nîke warî mûnene wa arangîri a ivingo. Nake Ngai-Mûnene nîwamûtethagia.

Esita 9:4

Moridekai aarî mûndû mûnene mûno mûciî kwa mûthamaki na ngumo yake nîyatambîte matûûrarî monthe na ûvoti wake nîwongerekaga.

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?