1Maû 11:24 - ÎVUKU RÎA ÛVORO MWARO

²⁴ Icio nîcio imwe cia ciîko cia mwanya irîa Benaia mûvîcî wa Jehoiada eekire. Nîwagîre îgweta gatagatî ka arîa athatû maarî njamba.

1Maû 11:24 ပူးပေါင်းရင်းမြစ်များ

2Sam 8:18

Benaia mûvîcî wa Jehoiada nîke warî mûnene wa athigari arîa maarangagîra Daudi, nao avîcî a Daudi nîo maarî athînjîri-Ngai.

1Maû 11:23

Nîwaûragire Mûmisiri warî na ûraca wa fiti mûgwanja na nuthu, mûndû warî mûnene. Wana ethîrwa Mûmisiri ûcio nîwanyitîte îtumû înene mûno na njara, Benaia nîwamûtharîkîre na njokoma, akîmûcuuna îtumû rîu rîake na akîmûraga narîo.

1Maû 11:25

Nîwavetwe gîtîîo mûno gatagatîrî ka athigari arîa mîrongo îthatû maarî njamba, nwatî ndaanatuîka ta arîa athatû. Daudi nîwamûtwire mûrûngamîrîri wa athigari arîa maamûgitagîra.

1Maû 12:1

Ûyû nî mûtaratara wa arûme arîa maathiîre Zikilagi kûrî Daudi kûrîa eethithîte nîûndû wa Saûlo mûvîcî wa Kishu. Maarî amwe a njamba cia mbaara irîa ciatethirie Daudi mbaararî.

1Maû 12:28

Zadoku aarî mûtongoria, mûndû mwîthî na njamba ya mbaara. Kuuma mûciî wao nîwathiîre na anene mîrongo îîrî na aîrî (22) a mbaara.