1Maû 11:19 - ÎVUKU RÎA ÛVORO MWARO

¹⁹ na akiuga atîrî, Ngai-Mûnene arongiria kûnyua manjî mama, nîûndû gwîka ûguo nîta kûnyua nthakame ya andû acio metonyirie thînarî wa kûragwa. Kwoguo nîwaregire kûnyua manjî mau. Mama nîmo maûndû marîa meekirwe nî njamba icio ithatû.

1Maû 11:19 ပူးပေါင်းရင်းမြစ်များ

Kîam 9:4

Kîndû kîrîa tu mûtakaarîcaga nî nyamû îrîa yonthe yûragîtwe îtagwîtûrûra nthakame nîûndû mwoyo wayo ûrî nthakamerî.

2Sam 23:17

na akiuga atîrî, “Ngai-Mûnene, nie ndingînyua manjî mama nîûndû ngamanyua nî takwa nîngîthîrwa ngînyua nthakame ya andû aya mateetigîra gûkua makîmatava!” Kwoguo nîwaregire kûmanyua. Mau nîmo maûndû ma ûcamba marîa athigari acio athatû maarî îgweta meekire.

1Atha 21:3

Nwatî Nabothi nîwerire Ahabu atîrî, “Nevîta na rîîtwa rîa Ngai-Mûnene atî ûguo ûroûra nîngînenganîra mûgûnda ûyû wa mîthavibu nîûndû naaûgaire kuuma kûrî methe makwa!”

1Maû 11:18

Athigari arîa athatû njamba nîmaavîtûkîrîre varîa athigari a Afilisiti maambîte magema mao, nîmaathiîre magîtava manjî na makîvirîra Daudi. Nwatî Daudi ndaanyua manjî mau, vandû va ûguo nîwametûrûrire nthî marî ta îtega kûrî Ngai-Mûnene

1Maû 11:20

Abishai, mûrwang'ina wa Joabu nîke warî mûtongoria wa athigari arîa njamba mîrongo îthatû. Nîwocire îtumû rîake na akîrûa na arûme magana mathatû na akîmaûraga onthe. Kwoguo nîwagîre îgweta wata acio athatû.

Ayubu 31:31

Andû onthe arîa mandungataga nîmaicî waro atî, nînyamûkagîra ageni na ngamatuga.

Thaburi 72:14

Nîamavonokagia kuuma kûrî arîa mamavinyagîrîria na arîa aganu, nîûndû ûtûûro wao ûrî vata mbere yake.

Alawi 17:10

“Mûisiraeli wa wonthe kana mûgeni wa wonthe ûtûûranagia nao angîrîa nyamû îrî na nthakame, Ngai-Mûnene nîakaamûverithia na amwamûranie na andû ake.

Maariko 14:24

Nake Jesû nîwamerire atîrî, “Îno nî nthakame yakwa ya kîrîkanîro, îrîa îgeetûrûrwa nîûndû wa andû eengî.

Johana 6:55

Nîûndû mwîrî wakwa nî irio cia ma, na nthakame yakwa nî kîndû gîa kûnyua Kîam ma.

Aroma 16:4

Andû aya matietigîra gûkua nîguo mamvonokie. Nie nîngûcokia ngatho kûrî o, wana makanitha monthe ma andû a ndûrîrî nîmamacokeria ngatho.

1Akor 15:30

Tue natue twîikagia ûgwatirî vîndî cionthe nîkî?

Atir 5:18

Andû a Zebuluni na Nafutali nîo meevirire ûgwatirî wa gîkuû marî mbaararî.

Atir 9:17

Ririkanani atî, vava nîwamûrûîrîre na agîtonyia ûgwatirî wa gîkuû, na akîmûvonokia kuuma kûrî Amidiani.

1Sam 19:5

Nîweîkîrire ûgwatirî mûnene rîrîa aaûragire Goliathu na Ngai-Mûnene agîtûma Aisiraeli mavootane. Rîrîa wonire ûndû ûcio, we nîwakenire. Rîu we ûrenda gwîka ûndû ûyû mûcûku nîkî wa gwîtûrûra nthakame ya mûndû ûtarî na wîvia na njîra ya kûûraga Daudi vatarî na gîtûmi?”