1Joh 5:9 - ÎVUKU RÎA ÛVORO MWARO

⁹ Nîtwîtîkagia ûira wa andû, nwatî ûira wa Ngai nîwîthagîrwa ûrî na vinya mwîngî. Ngai ke mwene nîarutîte ûira ûyû îgûrû rîgiî Mûriû.

1Joh 5:9 ပူးပေါင်းရင်းမြစ်များ

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Johana 10:38

Nwatî angîthîrwa nîreka maûndû marîa Vava endaga mbîke, nîkwagîrîrîte mwîtîkie maûndû marîa mbîkaga wana ethîrwa mûtirambîtîkia. Mwona mwetîkia maûndû marîa mbîkaga nîmûkûvota kûmenya waro atî nie na Vava tûrî kîndû kîmwe.”

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

Ciîko 5:32

Tue tûrî aira a maûndû mama. Wana nginya Roho Mûtheru ûrîa Ngai avecanîte kûrî arîa mamwathîkagîra nî mûira.”

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

1Joh 5:10

Kwoguo mûndû wa wonthe wîtîkagia Mûriû wa Ngai arî na ûira ûyû ngororî yake. Nwatî mûndû wa wonthe ûtetîkîtie Ngai nî atuîte Ngai wa maveeni, nîûndû mûndû ûcio ndetîkanîtie na ûrîa Ngai augîte ûrî ta ûira wîgiî Mûriû wake.

1Joh 5:8

Roho, manjî na nthakame; na onthe athatû nîmetîkanagia.