1Joh 5:7 - ÎVUKU RÎA ÛVORO MWARO

⁷ 8 Kûrî na aira athatû, nao nî;

1Joh 5:7 ပူးပေါင်းရင်းမြစ်များ

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Mathaayo 18:16

Nwatî angîrega gûkûthikîrîria, thiî kûrîke mûrî na mûndû ûmwe kana aîrî, nîguo ûndû wa wonthe mûkaaria wîkîrwe vinya nî ûira wa andû aîrî kana athatû.

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Johana 1:1

Kîambîrîriarî, Ke ûrîa wîtagwa Kiugo aarî wa kuo. Kiugo aarî vamwe na Ngai na aarî Ngai.

Johana 10:30

Nie na Vava tûrî kîndû kîmwe.”

Johana 12:28

Vava goocithia rîîtwa rîaku!” Naguo mûgambo nîwacokire ûkiuma îgûrû ûkiuga atîrî, “Nînîrîgoocithîtie na nwa ngûrîgoocithia wa rîngî.”

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 5:26

Na wata ûrîa Vava ke mwene arîke kiumo Kîam mwoyo, ûguo nwa ta guo atûmîte Mûriû atuîke kiumo Kîam mwoyo.

Johana 8:18

Nie nîmvecanaga ûira wakwa, wana Vava ûrîa wandûmire nîavecanaga ûira wakwa.”

Johana 8:54

Nake Jesû nîwamacokerie atîrî, “Angîthîrwa nîkwa nîrekumia, gwîkumia kûu nî kwa mana. Ûrîa ûngumagia nî Vava wa ûcio mugaga atî nîke Ngai wenyu.

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Ciîko 5:32

Tue tûrî aira a maûndû mama. Wana nginya Roho Mûtheru ûrîa Ngai avecanîte kûrî arîa mamwathîkagîra nî mûira.”

Gûco 6:4

“Tathikîrîriani mue andû a Isiraeli! Ngai-Mûnene, Ngai wetû nî Ngai-Mûnene ûmwe tu.

1Joh 1:1

Tûramwandîkîra ûvoro wîgiî kiugo Kîam mwoyo kîrîa gîtwîre kuo kuuma wa Kîammbîrîria. Kiugo gîkî nîtûkîîguîte, na ma nîtûkîroretie na tûgakîona na metho metû na tûgakînyita na njara cietû.

1Joh 5:6

Jesû Kristû nîke ûrîa waûkire na njîra ya manjî ma ûvatithio na nthakame ya gîkuû gîake. Ke ndaaûka tu na njîra ya manjî nwatî aûkire na manjî na nthakame. Roho ke mwene nî mûira atî ûvoro ûyû nî wa ma nîûndû Roho ûma.

1Joh 5:8

Roho, manjî na nthakame; na onthe athatû nîmetîkanagia.

Kûguû 19:13

Nguo îrîa eekîrîte yarindîtwe nthakamerî. Narîo rîîtwa rîake nî “Kiugo Kîam Ngai.”