1Joh 5:6 - ÎVUKU RÎA ÛVORO MWARO

⁶ Jesû Kristû nîke ûrîa waûkire na njîra ya manjî ma ûvatithio na nthakame ya gîkuû gîake. Ke ndaaûka tu na njîra ya manjî nwatî aûkire na manjî na nthakame. Roho ke mwene nî mûira atî ûvoro ûyû nî wa ma nîûndû Roho ûma.

1Joh 5:6 ပူးပေါင်းရင်းမြစ်များ

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Alawi 17:11

Mwoyo wa indo cionthe irîa ivevaga ûrî nthakamerî, kwoguo mbathanîte atî nthakame yonthe îtûrûragwe îgûrû rîa metha ya kîgongoona nîguo îtheragie mevia ma andû onthe. Nthakame îthagîrwa îrî mwoyo, na kîu nîkîo gîtûmaga Ngai amîvûthîre gûtûtheria mevia.

Zakaria 9:11

Ngai-Mûnene augîte atîrî, “Nîûndû wa kîrîkanîro gîakwa namue, kîrîa gîakindîrue na nthakame ya magongoona, nîngaarekereria andû enyu arîa ove, nîmarute kûu marî îrimarî rîtarî manjî.

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Mathaayo 3:16

Nake Jesû aarîkia kûvatithua, nîwaumîrire manjîrî wa rîmwe. Narîo îgûrû nîrîavingûkire, na akîona Roho wa Ngai akînyûrûrûka ta ndutuura na agîkara îgûrû rîake.

Maariko 14:24

Nake Jesû nîwamerire atîrî, “Îno nî nthakame yakwa ya kîrîkanîro, îrîa îgeetûrûrwa nîûndû wa andû eengî.

Luka 22:20

Na marîkia kûrîa, nîwamanengere gîkombe akiugaga atîrî, “Gîkombe gîkî nî Kîam nthakame yakwa ya kîrîkanîro gîcerû îrîa yetûrûrirwe nîûndû wenyu.]

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 16:13

Rîrîa Roho ûrîa wonanagia ûvoro wa ma wa Ngai agaaûka, nîakaamûtongoria maûndûrî monthe ma ma. Ke ndakaaria maûndû na wathani, nwatî akaaria marîa egucaga na amwîre ûvoro wîgiî maûndû marîa magaaûka.

Johana 3:5

Nake Jesû nîwamûcokerie atîrî, “Nîrakwîra na ma atî gûtirî mûndû ûngîtonya Ûthamakirî wa Ngai atambîte gûciarwa rîngî na manjî na Roho Mûtheru.

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 6:55

Nîûndû mwîrî wakwa nî irio cia ma, na nthakame yakwa nî kîndû gîa kûnyua Kîam ma.

Ciîko 8:36

Na vîndî îrîa maanyûrûrûkîte na njîra îo, nîmaakinyire vandû vaarî na manjî, na mûndû ûcio akîîra Filipu atîrî, “Taroria! Manjî marî ava. Nîndûî kîngîgiria mvatithue?” [

Aroma 3:25

Ngai aavecanire Jesû nîguo na njîra ya gîkuû gîake andû moverwe mevia mao nîûndû wa wîtîkio wao. Ngai ekire ûguo nîguo onanie ûrîa arî mûthingu. Mbererî îo Ngai aatûîre akiragîrîria andû mevia mao.

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Akol 1:4

nîûndû nîtûrîkîtie kwîgua atî nîmwîtîkîtie Jesû Kristû na nîmwendete andû onthe a Ngai.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Tito 3:5

nîwatûvonokirie. Tûtiavonokirue nîûndû wa ûrîa twekîte ciîko mbaro, nwatî nîûndû wa ntha ciake. Aatûvonokirie na njîra ya Roho Mûtheru ûrîa watûtheririe, agîtûciara rîngî na agîtûva mwoyo mûcerû.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Ahib 9:7

Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

1Joh 4:10

Wendani wîkariî ûû: tî atî nîkwa twendire Ngai, nwatî nîke watwendire na agîtûma Mûriû wake atuîke wa gûtûma tûoverwe mevia metû.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.