Nao matiatuîka ciana cia Ngai na njîra îrîa andû maciaragwa, kana vinya wa mûndû wana kana wendi wa mûndû, nwatî Ngai ke mwene nîke watûmire matuîke ciana ciake.
Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.
“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.
“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.
Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.