1Joh 5:19 - ÎVUKU RÎA ÛVORO MWARO

¹⁹ Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

1Joh 5:19 ပူးပေါင်းရင်းမြစ်များ

Luka 4:6

na îkîmwîra atîrî, “Nie nîngûkûva wathani wa kwatha mothamaki mama monthe wana riiri wamo, nîûndû nîmvetwe mo, na nwamve mûndû wa wonthe ûrîa nîngîenda.

Johana 12:31

Rîrî nî îvinda rîa gûtuîra andû a gûkû nthî ciira, na rîu mûnene wa gûkû nthî nîakwîngatwa.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

Johana 16:11

Mavîtîtie ûvororî wîgiî gûtuîra ciira nîûndû mûnene wa gûkû nthî nîarîkîtie gûtuîrwa.

Johana 17:15

Nie tîkwa nîrakûria ûmarute gûkû nthî, nwatî nîrakûria ûmamenyerere kuumana na Ûrîa Mûcûku.

Aroma 8:16

Roho ûcio nî mûira vamwe na maroho metû atî tûrî ciana cia Ngai.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

2Akor 5:1

Tue nîtwîcî atî kûrî vîndî îgema rîîrî rîetû tûtûûraga rîa gûkû nthî rîkaatharua. Narîo îgema rîu nî mîîrî îno yetû. Vîndî îo Ngai akeethîrwa arî na nyomba yetû kûu îgûrû. Nyomba îo nîke ke mwene ûtumîte na îgaatûûra tene na tene.

Agal 1:4

Kristû nîwerutire ke mwene nîûndû wa mevia metû nîguo atûkûûre kuuma maûndûrî marîa macûku ma mavinda mama. Kristû eekire ûguo kûringana na wendi wa Ngai na nîke îthe wetû.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.

1Joh 3:14

Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.

1Joh 3:24

Arîa onthe mathîkagîra maathani ma Ngai matûûraga marî ûûrûmwe na Ngai nake Ngai atûûraga arî ûûrûmwe nao. Tûmenyaga atî Ngai atûûraga arî ûrûmwe natue nîûndû wa Roho ûrîa atûvete.

1Joh 5:10

Kwoguo mûndû wa wonthe wîtîkagia Mûriû wa Ngai arî na ûira ûyû ngororî yake. Nwatî mûndû wa wonthe ûtetîkîtie Ngai nî atuîte Ngai wa maveeni, nîûndû mûndû ûcio ndetîkanîtie na ûrîa Ngai augîte ûrî ta ûira wîgiî Mûriû wake.

1Joh 5:13

Mue arîa mwîtîkîtie Mûriû wa Ngai nîramwandîkîra nîguo mûmenye atî mûrî na mwoyo wa tene na tene.

1Joh 5:15

Ethîrwa na ma nîtwîcî atî rîrîa twamwîtia kîndû nîatwîgucaga, nîtwîcî atî nîatûvecaga kîrîa kîonthe twamwîtia.

1Joh 5:18

Nîtwîcî atî gûtirî mwana wa Ngai wîkaraga akîvagia, nîûndû Mûriû wa Ngai nîamûgitagîra, na ûrîa mûcûku ndangîmwîka naaî.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 20:3

Nîwacokire akîmikia îrimarî rîu rîtarî mûthiia, akîvinga mûrango warîo na mvungûro na agîkîra mûvûûri. Mûraika eekire ûguo nîguo njûnamatu îkare kuo îvingîrîtwe nginya mîaka ngiri îmwe îthire, nîguo ndakaavîtithie andû a nthî rîngî. Kavinda kau kathira nî akoovorwa gwa kavinda kanini.