1Joh 4:21 - ÎVUKU RÎA ÛVORO MWARO

²¹ Rîîrî nîrîo rîathani rîrîa tûrî narîo kuuma kûrî Kristû atî: mûndû ûrîa wendete Ngai, nwanginya ende mûrwang'ina kana mwarî wa ng'ina wanake.

1Joh 4:21 ပူးပေါင်းရင်းမြစ်များ

Alawi 19:18

Mûtikerîvîrîrie kûrî mûndû ûrîa wîngî kana mûmûmena, nwatî endagani andû arîa engî wata ûrîa mwîyendete. Nie nînie Ngai-Mûnene.

Mathaayo 5:43

“Mue nîmwîguîte atî kwerîtwe atîrî, ‘Endagani arata enyu na mûmenage nthû cienyu.’

Luka 10:37

Nake mwarimû ûcio wa watho nîwacokirie atîrî, “Nî mûndû ûrîa wamwîguîrîre ntha.” Nake Jesû nîwamwîrire atîrî, “Wanawe thiî na wîke wata ûguo.”

Johana 15:12

Narîo rîathani rîakwa nî rîîrî: Endanagani wa ta ûrîa nîmwendete.

Agal 5:14

Nîûndû watho wonthe ûvingagua nî rîathani rîmwe rîrîa riugaga; “Enda mûndû ûrîa mûriganîtie nake wata ûrîa wîyendete we mwene.”

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

1Ath 4:9

Gûtirî na vata ya kûmwandîkîra ûvoro wîgiî kwenda ariû na aarî a îthe wetû, nîûndû Ngai nîamûthomithîtie ûrîa mwagîrîrwe nî kwendana.

1Pet 3:8

Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.

1Pet 4:8

Îgûrû rîa maûndû monthe endaga mûndû ûrîa wîngî na ngoro yaku yonthe, nîûndû wendani nîûkunîkagîra mevia mengî.

1Joh 2:7

Arata akwa rîathani rîrîa nîramwandîkîra tî rîcerû, nwatî nî rîrîa rîkûrû mûtûûraga narîo. Rîathani rîu rîkûrû nî ndûmîrîri îrîa mwegwire kuuma wa Kîammbîrîria.

1Joh 3:11

Ndûmîrîri îrîa mwegwire kuuma wa Kîammbîrîria nî îno: nwanginya twendanage.

1Joh 3:14

Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.

1Joh 3:18

Ciana ciakwa wendani wetû ndûgatuîke wa kanyua tu, nwatî nîwîthagîrwe ûrî wa ciîko na ûrî wa ma.

1Joh 3:23

Narîo rîathani rîake nî atî; nwa nginya twîtîkie Mûriû wake Jesû Kristû na twendanage mûndû na ûrîa wîngî ta ûrîa Kristû aatwathire.

1Joh 4:11

Arata akwa, ethîrwa ûguo nîguo Ngai aatwendire, wanatue nîtwagîrîrwe nî kwendanaga.