1Joh 4:17 - ÎVUKU RÎA ÛVORO MWARO

¹⁷ Gîtûmi Kîam wendo wîthîrwe ûrî mûkinyanîru ndaarî yetû nî atî nîguo tûkaagîa na ûmîrîru rîrîa mûthenya wa gûtuîrwa ûgaakinya. Tûkaagîa na ûmîrîru nîûndû wata ûrîa Kristû eekariî arî gûkû nthî, nwaguo wanatue twîkariî.

1Joh 4:17 ပူးပေါင်းရင်းမြစ်များ

Mathaayo 10:15

Nîramwîra na ma atî mûthenya wa îtuîro Ngai nîakeeguîra andû a Sodomu na Ngomora ntha nyîngî, gûkîra ûrîa akeeguîra andû a îtûûra rîu!

Mathaayo 10:25

Kwoguo mûrutwa agîrîrwe nî kwîganîra nîguo atuîke ta mûmûruti, na ngombo nayo îtuîke ta mûmîathi. Ethîrwa andû metaga mwene mûciî Belizebuli, andû a mûciî wake magetagwa marîîtwa macûku makîria!

Mathaayo 11:22

Nîramwîra na ma, atî mûthenya wa îtuîro Ngai nîakeeguîra andû a Turo na Sidoni ntha nyîngî kûmûkîra.

Mathaayo 11:24

Nwatî nie nîramwîra na ma atî mûthenya wa îtuîro Ngai nîakeguîra andû a Sodomu ntha nyîngî kûmûkîra.”

Mathaayo 12:36

“Nie nîramwîra atî mûthenya wa îtuîro andû onthe nîmakaavecana gîtûmi gîa ciugo cionthe itarî vata irîa manaaria.

Johana 15:20

Taririkanani ûrîa namwîrire atî: ‘Gûtirî ngombo nene gûkîra mûmîathi.’ Angîthîrwa andû nîmaanyaririre, wa namue nîmakaamûnyarira. Ethîrwa nîmaathîkîre ciugo ciakwa, wana nginya cienyu nîmagaaciathîkîra.

Johana 17:22

Nie nîmavete riiri wata ûrîa we wamvere nîguo matuîke kîndû kîmwe wata ûrîa we nanie tûrî kîndû kîmwe.

Aroma 8:29

Nîûndû andû arîa Ngai aathuurire kuuma wa tene nîwamamûrire matuîke ta Mûrû wake nîguo nake Mûrû wake atuîke îrikithathi rîa ciana nyîngî cia îthe ûmwe.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Jakuvu 2:22

Nîkwa mûtarona atî wîtîkio wake nîwarutithanirie wîra na ciîko ciake? Wîtîkio wake nîwatwirwe mûkinyanîru na njîra ya ciîko ciake.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.

2Pet 3:7

Nwatî îgûrû na nthî irîa irî kuo rîu cigîtwe na njîra ya rîathani wa rîu rîa Ngai nîguo ikaathirua na mwaki. Nacio cigîtwe nîûndû wa mûthenya ûrîa andû arîa matarî na ûngai magaatuîrwa na mathirue.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.

1Joh 2:5

Nwatî mûndû ûrîa wathîkagîra kiugo gîake nîethagîrwa na ma ecûrîtwe nî wendo wa Ngai. Tûngîvota kûmenya tûrî ngwatanîro na Ngai na njîra ta îno:

1Joh 2:6

arîa maugaga atî matûûraga marî ngwatanîro na Ngai magîrîrwe nî gûtûûra ta ûrîa Jesû Kristû aatûûraga.

1Joh 3:1

Oneni wendo ûrîa wîngîvîte ûrîa Îthe wetû atwendete naguo atî twîtagwa ciana cia Ngai na nîguo tûrî. Kîrîa gîatûmire nthî yaga gûtûmenya nî atî ndîaicî Ngai.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.

1Joh 3:7

Ciana ciakwa mûtikanetîkîre kûevenua nî mûndû wana ûrîkû. Mûndû wa wonthe wîkaga maûndû ma ûthingu nî mûthingu wata ûrîa Kristû arî mûthingu.

1Joh 4:12

Gûtirî mûndû wanona Ngai, nwatî tûngîendana Ngai agatûûraga ndaarî yetû naguo wendo wake ûkethagîrwa ûrî mûkinyanîru ndaarî yetû.