1Joh 4:15 - ÎVUKU RÎA ÛVORO MWARO

¹⁵ Mûndû wa wonthe umbûraga atî Jesû nî Mûriû wa Ngai, Ngai ekaraga ndaarî yake nake ekaraga ndaarî ya Ngai.

1Joh 4:15 ပူးပေါင်းရင်းမြစ်များ

Mathaayo 10:32

“Mûndû wa wonthe ûnyumbûraga mbere ya andû, wa nanie nîngaamumbûra mbere ya Vava ûrîa ûrî îgûrû.

Luka 12:8

“Nîramwîra na ma atî mûndû wa wonthe ûnyumbûraga mbere ya andû, wana Mûrû wa Mûndû nîakaamumbûra mbere ya araika a Ngai.

Johana 6:56

Mûndû wa wonthe ûrîcaga mwîrî wakwa na akanyua nthakame yakwa nîwîkaraga ndaarî yakwa, nanie ngekara ndaarî yake.

Ciîko 8:37

Nake Filipu nîwamwîrire atîrî, “Ethîrwa we nîwîtîkîtie na ngoro yaku yonthe, nwa ûvatithue.” Nake mûndû ûcio nîwerire Filipu atîrî, “Nie nîmbîtîkîtie atî Jesû Kristû nîke Mûriû wa Ngai.”]

Aroma 10:9

Nîûndû ûngiumbûra na kanyua gaku atî Jesû nî Mwathani na wîtîkie na ngoro yaku atî Ngai nîwamûriûkirie, nî ûkaavonoka.

Afil 2:11

na cionthe ikaumbûraga atî Jesû Kristû nî Mwathani, nîguo Ngai Îthe akumague.

1Joh 2:23

Mûndû wa wonthe ûregete Mûriû nîaregete wana nginya îthe. Mûndû wa wonthe wîtîkîrîte Mûriû nîetîkîrîte îthe wanake.

1Joh 2:24

Tigani ûvoro ûrîa mwegwire kuuma Kîammbîrîria wîkare ngororî cienyu. Ethîrwa ûvoro ûcio ûgekaraga ndaarî yenyu vîndî cionthe, mue nîmûgûtûûra mûrî ûrûmwe na Mûriû na Îthe.

1Joh 3:23

Narîo rîathani rîake nî atî; nwa nginya twîtîkie Mûriû wake Jesû Kristû na twendanage mûndû na ûrîa wîngî ta ûrîa Kristû aatwathire.

1Joh 3:24

Arîa onthe mathîkagîra maathani ma Ngai matûûraga marî ûûrûmwe na Ngai nake Ngai atûûraga arî ûûrûmwe nao. Tûmenyaga atî Ngai atûûraga arî ûrûmwe natue nîûndû wa Roho ûrîa atûvete.

1Joh 4:12

Gûtirî mûndû wanona Ngai, nwatî tûngîendana Ngai agatûûraga ndaarî yetû naguo wendo wake ûkethagîrwa ûrî mûkinyanîru ndaarî yetû.

1Joh 4:2

Mûkaavotaga gûkûranaga Roho wa Ngai na njîra îno: mûndû wa wonthe umbûraga atî Jesû Kristû aûkire arî na mwîrî ta mûndû, arî na Roho ûrîa umaga kûrî Ngai.

1Joh 5:1

Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.

1Joh 5:5

Nû ûngîvoota nthî? Nwa ûrîa tu wîtîkîtie atî Jesû nî mwana wa Ngai.

2Joh 1:7

Aveenania eengî mûno nîmathiîte nthî yonthe. Aya nî andû arîa mataumbûraga atî Jesû Kristû aûkire arî na mwîrî ta mûndû. Mûndû ta ûcio nî wa maveeni na nî nthû ya Kristû.