1Joh 3:8 - ÎVUKU RÎA ÛVORO MWARO

⁸ Mûndû wa wonthe wîvagia nî wa Ngoma nîûndû Ngoma îtûûraga îvagia kuuma wa Kîammbîrîria. Kîrîa gîatûmire Mûriû wa Ngai aûke, nî gûcûkangia wîra wa Ngoma.

1Joh 3:8 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Isaia 27:1

Mûthenya ûcio, Ngai-Mûnene nîagooca rûviû rwake rûrîa rûnene na averithie Leviathani, njoka îrîa îgûrûkaga, njoka îrîa îîthioraga, na aûrage njûnamatu îrîa îtûûraga îriarî.

Ndari 21:9

Kwoguo Musa nîwarûthire njoka ya gîcango na akîmîtwîthia gîtugîrî îgûrû. Mûndû wa wonthe warûmagwa nî njoka, na akîroria njoka îo ya gîcango nîwavonaga.

Mathaayo 12:28

Nwatî ethîrwa ndutûrûraga ndaimono mvetwe vinya nî Roho wa Ngai, ûguo nîkwonania atî Ûthamaki wa Ngai nîmûkinyu kûrî mue.

Mathaayo 13:38

Mûgûnda naguo nî nthî; nacio mbeû irîa mbaro nî andû a ûthamaki. Ria narîo nî andû a Ûrîa Mûcûku.

Mathaayo 4:3

Nayo Ngoma nîyathiîre kûrî ke na îkîmwîra atîrî, “Ethîrwa nîwe Mûriû wa Ngai, atha mathiga mama matuîke mîgate!”

Maariko 1:24

“Ûrenda atîa natue we Jesû wa Nazarethi? Ûkîte gûtûthiria? Nîngwîcî we wî û. We wî ûrîa Mûtheru wa Ngai!”

Luka 10:18

Nake Jesû nîwamacokerie atîrî, “Nie nîronire Caitani akîgwa nthî wa rîmwe kuuma îgûrû wata ûrîa rûveni rûvenûkaga.

Johana 12:31

Rîrî nî îvinda rîa gûtuîra andû a gûkû nthî ciira, na rîu mûnene wa gûkû nthî nîakwîngatwa.

Johana 16:11

Mavîtîtie ûvororî wîgiî gûtuîra ciira nîûndû mûnene wa gûkû nthî nîarîkîtie gûtuîrwa.

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Aroma 16:20

Nake Ngai, ûrîa ûvecanaga thayû, îvinda rîtarî îraca nîakaavoota Caitani na amûve wathani îgûrû rîake. Wega wa Mwathani wetû Jesû Kristû ûrogîa namue.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Akol 2:15

Na mûtharavarî ûcio nîvo Kristû eetethûrire kuuma kûrî maavinya ma maaroho marîa maathamakaga na maathanaga. Ke nîwamanyûrûririe na njîra ya kûmatongoria mbere ya andû na wa vo akîonania atî aarî na ûvootani îgûrû rîa maroho na maavinya mau.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

Ahib 9:26

Nîûndû Kristû angîekire ûguo, nîangîatuîkire wa kûthînua maita meengî mûno kuuma rîrîa nthî yaûmbirwe. Nwatî rîu kûringana na ûrîa kûvana, aaûkire rita rîmwe rîa kwîgana mavinda monthe nîguo na njîra ya îgongoona rîake ke mwene, andû maume meviarî.

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.

1Joh 1:2

Rîrîa Mwoyo ûyû waguûranîrue nîtwawonire. Kwoguo nîtwaragia ûira waguo na tûkamwîra ûvoro wîgiî mwoyo wa tene na tene ûrîa warî na Îthe na ûrîa twamenyithirue.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.

1Joh 3:5

Nîmwîcî atî Kristû aaûkire kûthengutia mevia, na atî ndaarî yake gûtirî rîvia.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

Juda 1:6

Taririkanani araika arîa maaregire wathani ûrîa maavetwe, nwatî magîtiganîria ciîkaro ciao. O maigîtwe ndumarî, movetwe na mînyororo tene na tene, nîguo Ngai akaamatuîra Mûthenya ûcio mûnene.

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Kûguû 20:15

Na mûndû wa wonthe ûrîa rîîtwa rîake rîtaarî rîandîke îvukuurî rîa mwoyo nîwaikirue îriarî rîa mwaki.