1Joh 3:3 - ÎVUKU RÎA ÛVORO MWARO

³ Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.

1Joh 3:3 ပူးပေါင်းရင်းမြစ်များ

2Sam 22:27

We ûrî mûtheru mbere ya arîa metheretie, nwatî ûrî mwaganu mbere ya arîa matarî evokeku.

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Luka 6:36

Kwoguo îgucanagîrani ntha wata ûrîa îthe wenyu amwîgucagîra ntha.

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

Aroma 15:12

Wana rîngî mûrathi Isaia augîte atîrî, “Nyombarî ya Jesii nîgûkaauma mûndû, agaaûka kwatha andû a Ndûrîrî, nao nîmakaaiga mwîvoko wao kûrî ke.”

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Akol 1:5

Rîrîa ndûmîrîri îrîa ya ma, nîyo ûvoro mwaro yamûkinyîre rita rîa mbere, nîmwegwire ûvoro wîgiî mwîrîgîrîro ûrîa îvecanaga. Kwoguo kîrîa mwîrîgagîrîra nîkîo gîtûmaga mwîtîkie Jesû Kristû na mûgîe na wendani. Nakîo kîrîa mûrî na mwîrîgîrîro wakîo mûrî aigîre kîo waro îgûrû.

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

Tito 3:7

nîguo tûtuwe athingu nî Ngai nîûndû wa wega wake na tûgîe na kîîrîgîrîro Kîam mwoyo wa tene na tene.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

1Pet 1:15

Vandû va ûguo, tuîkani andû atheru maûndûrî monthe marîa mwîkaga wata ûrîa Ngai ûrîa wamwîtire ethagîrwa arî mûtheru.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

2Pet 1:4

Nîûndû wa maûndû mau, nîatûvete iveo cia vata mûno na cia goro, irîa ke eeranîre. Na njîra ya iveo ino nwa mûvote kûûrîra merirîria macûku ma gûkû nthî na mûgekara ta Ngai.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

1Joh 2:6

arîa maugaga atî matûûraga marî ngwatanîro na Ngai magîrîrwe nî gûtûûra ta ûrîa Jesû Kristû aatûûraga.

1Joh 4:17

Gîtûmi Kîam wendo wîthîrwe ûrî mûkinyanîru ndaarî yetû nî atî nîguo tûkaagîa na ûmîrîru rîrîa mûthenya wa gûtuîrwa ûgaakinya. Tûkaagîa na ûmîrîru nîûndû wata ûrîa Kristû eekariî arî gûkû nthî, nwaguo wanatue twîkariî.