1Joh 3:21 - ÎVUKU RÎA ÛVORO MWARO

²¹ Kwoguo arata akwa, ethîrwa thamiri cietû itiratûtuîra tûkethagîrwa tûrî na ûmîrîru tûrî mbere ya Ngai.

1Joh 3:21 ပူးပေါင်းရင်းမြစ်များ

Ayubu 22:26

ûgakenaga nî Ngai mwene vinya wonthe, na wigage mwîvoko waku varî ke.

Ayubu 27:6

Nîndûûra nîkindîrîtie ûthingurî wakwa na ndigaûtiganîria. Mavinda monthe thamiri yakwa îthagîrwa îrî ntheru.

Thaburi 101:2

Nîngwîmenyerera ndûûre ndarî na ûcuke. Ûgaaûka kûrî nie rî? Nîngûtûûra nyombarî yakwa nîrî na ngoro ntheru,

Aroma 14:22

Wîtîkio waku îgûrû rîa maûndû mama nî ûtuîke nthitho gatagatîrî gaku na Ngai. Gûkena nî mûndû ûrîa ûtecukaga vîndî îrîa areka ûndû ûrîa onaga ûrî mwaro!

1Akor 4:4

Nie ndiîcî ûndû wana ûmwe mûcûku mbîkîte, nwatî ûguo tî kuga atî nîrî mwagîrîru. Mwathani nîke ûnducagîra.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

Aefeso 3:12

Tûrî kîndû kîmwe na Kristû na nîtûmwîtîkîtie nîtûgîte na ûmîrîru wa kûthiî varî Ngai tûrî na mwîvoko.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.

1Joh 2:7

Arata akwa rîathani rîrîa nîramwandîkîra tî rîcerû, nwatî nî rîrîa rîkûrû mûtûûraga narîo. Rîathani rîu rîkûrû nî ndûmîrîri îrîa mwegwire kuuma wa Kîammbîrîria.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.

1Joh 3:20

Ethîrwa thamiri cietû nîitûtucagîra, nîtwîcî waro atî Ngai nî Mûnene gûkîra thamiri cietû na nîecî maûndû monthe.

1Joh 4:17

Gîtûmi Kîam wendo wîthîrwe ûrî mûkinyanîru ndaarî yetû nî atî nîguo tûkaagîa na ûmîrîru rîrîa mûthenya wa gûtuîrwa ûgaakinya. Tûkaagîa na ûmîrîru nîûndû wata ûrîa Kristû eekariî arî gûkû nthî, nwaguo wanatue twîkariî.

1Joh 5:14

Twîthagîrwa tûrî na ûmîrîru tûrî mbere ya Ngai nîûndû nîtwîcî na ma atî tûngîmwîtia kîndû wa kîonthe kûringana na wendi wake, ke nîatwîgucaga.