1Joh 3:2 - ÎVUKU RÎA ÛVORO MWARO

² Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.

1Joh 3:2 ပူးပေါင်းရင်းမြစ်များ

Ayubu 19:26

Wana ikonde ciakwa ciacûkangua, nie mwene nîngeyonera Ngai-Mûnene na metho makwa.

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Thaburi 17:15

Nwatî nie nîngaakwona, nîûndû nîrî mûthingu; na rîrîa ngaaramûka, nîngecûrwa nî gîkeno ngîkwona ûrîa wîkariî.

Thaburi 31:19

Kaî wega waku ûrîa wigîrîte arîa magûtîîte nî mwîngî-î! Andû onthe nîmaicî ûrîa wîkaga maûndû maro na ûkagitîra arîa makwîvokete.

Isaia 56:5

nîngaamava vandû nyombarî yakwa na rîîtwa rîrî na gîtîîo kînene gûkîra kîrîa angîaveerwe nîûndû wa kûgîa ciana cia erîtu na anake. Nîngaamava rîîtwa rîrîa magaatûûra metagwa tene na tene, rîrîa rîtakaariganîra.”

Malaki 3:2

Nwatî nîûrîkû ûkavota kûmîrîria mûthenya ûrîa agaûka? Nîûrîkû ûkaûmîrîria vîndî îrîa akeyumîria? Nîûndû ke ekariî ta mwaki mûnene ûrîa ûtheragia cuuma, kana ta thabuni îrî na vinya îrîa îthambagia nguo ikathera mûno.

Mathaayo 5:8

Kûrathimwa nî arîa atheru ngoro, nîûndû nîmakoona Ngai!

Luka 17:30

Ûguo nwaguo gûgeekara mûthenya ûrîa Mûrû wa Mûndû akoonanua.

Luka 20:36

Makethîrwa mekariî ta araika na matigaakua, na nî ciana cia Ngai nîûndû makethîrwa mariûkîte kuuma kûrî akuû.

Johana 1:12

Nwatî andû onthe arîa maamwamûkîre na makîmwîtîkia, nîwametîkîrie gûtuîka ciana cia Ngai.

Johana 11:52

na ciana cia Ngai irîa inyagarûkîte kûndû kuonthe, nîguo aicokanîrîrie vamwe na aitue kîndû kîmwe.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Aroma 8:16

Roho ûcio nî mûira vamwe na maroho metû atî tûrî ciana cia Ngai.

Aroma 8:18

Nie monaga atî mathîna marîa tûrî namo îvindarî rîîrî matingîringithanua wana vanini na riiri ûrîa tûkaaguûrîrua.

Aroma 8:19

Indo cionthe irîa ciaûmbirwe cietererete mûno rîrîa Ngai akoonania ciana ciake.

Aroma 8:29

Nîûndû andû arîa Ngai aathuurire kuuma wa tene nîwamamûrire matuîke ta Mûrû wake nîguo nake Mûrû wake atuîke îrikithathi rîa ciana nyîngî cia îthe ûmwe.

1Akor 13:12

Rîu twonaga maûndû mekariî ta kîruru gîciciorî, nwatî vîndî îo nîtûkaamonaga ûthiû kwa ûthiû. Rîu nîramenya maûndû wa gîcunjî tu. Vîndî îo ngaamenya maûndû monthe wata ûrîa Ngai ambîcî.

1Akor 15:49

Wa ta ûrîa tue twavananire na mûndû wa gûkû nthî, nwaguo tûkaavanana na Mûndû wa îgûrû.

1Akor 2:9

Nwatî mandîkorî matheru kwandîkîtwe atîrî, “Ûndû ûrîa gûtarî mûndû wana ûmwe wanawona kana awîgue, ûrîa gûtarî mûndû wana ûmwe waneciria atî nwa wîkîke, ûndû ûcio nîguo Ngai aavarîrie nîûndû wa arîa mamwendete.”

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.

Agal 3:26

Muonthe mûrî ciana cia Ngai nîûndû wa kwîthîrwa mûrî ûrûmwe na Kristû na njîra ya wîtîkio.

Agal 4:6

Na nîguo Ngai onanie atî tûrî ciana ciake, nîwatûmire Roho wa Mûriû wake ngororî cietû. Roho ûcio nîke ûtûmaga twîtane Vava.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

Akol 3:4

Ûtûûro wetû wa ma nî Kristû na rîrîa ke agaaûka rîngî gûkû nthî, wa namue nîmûkoonekana mûrî vamwe nake na mûrî na riiri ta wake.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

2Pet 1:4

Nîûndû wa maûndû mau, nîatûvete iveo cia vata mûno na cia goro, irîa ke eeranîre. Na njîra ya iveo ino nwa mûvote kûûrîra merirîria macûku ma gûkû nthî na mûgekara ta Ngai.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.

1Joh 2:7

Arata akwa rîathani rîrîa nîramwandîkîra tî rîcerû, nwatî nî rîrîa rîkûrû mûtûûraga narîo. Rîathani rîu rîkûrû nî ndûmîrîri îrîa mwegwire kuuma wa Kîammbîrîria.

1Joh 3:1

Oneni wendo ûrîa wîngîvîte ûrîa Îthe wetû atwendete naguo atî twîtagwa ciana cia Ngai na nîguo tûrî. Kîrîa gîatûmire nthî yaga gûtûmenya nî atî ndîaicî Ngai.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.

1Joh 3:21

Kwoguo arata akwa, ethîrwa thamiri cietû itiratûtuîra tûkethagîrwa tûrî na ûmîrîru tûrî mbere ya Ngai.

1Joh 5:1

Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.

Kûguû 2:28

Nîngaamûva njata îrîa îkengaga kîraûko.

Kûguû 22:4

Nao nîmakoona ûthiû wa Ngai, na rîîtwa rîake nî rîkaandîkwa mothiûrî mao.