1Joh 3:19 - ÎVUKU RÎA ÛVORO MWARO

¹⁹ Ûndû ûyû nîguo ûgaatûmenyithagia atî tûrî a ma, na atî twîthagîrwa tûtarî na nganja ngororî cietû tûrî mbere ya Ngai.

1Joh 3:19 ပူးပေါင်းရင်းမြစ်များ

Thaburi 119:56

Nîngîte na gîkeno, nîûndû nîmbathîkîrîte maathani maku.

Isaia 32:17

Naguo ûndû ûrîa ûkaaumana na ûthingu nî thayû, naguo ûthingu nîûgaatûma kûgîe ûvooreri na wîvokeku tene na tene.

Johana 13:35

Mwekara mwendanîte, andû onthe makaamenyaga atî mûrî arutwa akwa.”

Johana 18:37

Pilato nîwamûririe atîrî, “Anga we ûrî mûthamaki?” Nake Jesû nîwamûcokerie atîrî, “We nîwe wauga atî nie nîrî mûthamaki. Nie naaciarirwe na ngîûka gûkû nthî nîûndû wa gîtûmi gîkî kîmwe, kwaria ûvoro wa ma. Na mûndû wa wonthe wîthagîrwa akîaria ûma nîambathîkagîra.”

Aroma 4:21

Iburahimu nîwamenyire na ma atî Ngai nwa akaavingia ûrîa wonthe eranîrîte.

Aroma 8:38

Nîûndû nîmûmenyu waro atî gûtirî ûndû ûngîtûtigithania na wendo wa Kristû; tî gîkuû kana mwoyo, araika, tî maavinya ma îgûrû, tî maûndû marîa marekîka rîu na marîa mageekîka, tî monene,

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 11:13

Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.

1Joh 1:8

Tûngiuga atî tue tûtirî na mevia nîkwîveenia tûreveenia na tûtirî na ûma ndaarî yetû.

1Joh 2:21

Nîramwandîkîra tî nîûndû atî mûtiîcî ûma, nwatî nîramwandîkîra nîûndû nîmwîcî ûma, na nîmwîcî atî gûtirî ûthaani varîa varî ûma.

1Joh 3:14

Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.

1Joh 3:20

Ethîrwa thamiri cietû nîitûtucagîra, nîtwîcî waro atî Ngai nî Mûnene gûkîra thamiri cietû na nîecî maûndû monthe.

1Joh 3:21

Kwoguo arata akwa, ethîrwa thamiri cietû itiratûtuîra tûkethagîrwa tûrî na ûmîrîru tûrî mbere ya Ngai.