1Joh 2:5 - ÎVUKU RÎA ÛVORO MWARO

⁵ Nwatî mûndû ûrîa wathîkagîra kiugo gîake nîethagîrwa na ma ecûrîtwe nî wendo wa Ngai. Tûngîvota kûmenya tûrî ngwatanîro na Ngai na njîra ta îno:

1Joh 2:5 ပူးပေါင်းရင်းမြစ်များ

Thaburi 105:45

nîguo andû ake makaathîkîra mawatho make, na kûvingia maathani make. Kumiani Ngai-Mûnene!

Thaburi 106:3

Kûrathimwa nî arîa marûmagîrîra kîvooto, arîa mekaga maûndû ma ûthingu vîndî cionthe.

Thaburi 119:146

Nînîragûkaîra; mvonokia, nîguo mbathîkîre mawatho maku.

Thaburi 119:2

Kûrathimwa nî arîa marûmagîrîra kîrîra gîake, arîa mamûcaragia na ngoro ciao cionthe;

Thaburi 119:4

We Ngai, nîûtûvete mawatho maku nîguo tûmarûmagîrîre na kinyi.

Nthi 28:7

Mwana ûrîa wathîkagîra watho ethagîrwa arî mûûgî, nwatî ûrîa ûtumaga ûrata na arîa akoroku nîaconorithagia îthe.

Nthi 8:32

“Na rîu ciana ciakwa, nthikîrîriani, mûngîka ûrîa nîramwîra, nîmûgaakena.

Mûvunjia 8:5

Mûndû ûrîa ûvingagia ûrîa mûthamaki athanîte ndangîona ûndû mûcûku, na mûndû mûûgî nîamenyaga kavinda karîa kagîrîru ga gwîka guo.

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Johana 14:21

“Mûndû wa wonthe wamûkagîra maathani makwa na akamathîkîra nîke ûmendete. Vava akendaga mûndû ûrîa ûmendete, wa nanie ngaamwendaga na ngeyonithanagia kûrî ke.”

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

Johana 15:5

“Nie nî nie Mûthavibu, namue nîmue mvûa. Mûndû wa wonthe wîkaraga ndaarî yakwa, nanie ngekara ndaarî yake, nîagîcaga maciaro meengî; nîûndû mûtarî vamwe na nie gûtirî ûndû mûngîvota gwîka.

Johana 6:56

Mûndû wa wonthe ûrîcaga mwîrî wakwa na akanyua nthakame yakwa nîwîkaraga ndaarî yakwa, nanie ngekara ndaarî yake.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Jakuvu 2:22

Nîkwa mûtarona atî wîtîkio wake nîwarutithanirie wîra na ciîko ciake? Wîtîkio wake nîwatwirwe mûkinyanîru na njîra ya ciîko ciake.

1Joh 3:24

Arîa onthe mathîkagîra maathani ma Ngai matûûraga marî ûûrûmwe na Ngai nake Ngai atûûraga arî ûûrûmwe nao. Tûmenyaga atî Ngai atûûraga arî ûrûmwe natue nîûndû wa Roho ûrîa atûvete.

1Joh 4:17

Gîtûmi Kîam wendo wîthîrwe ûrî mûkinyanîru ndaarî yetû nî atî nîguo tûkaagîa na ûmîrîru rîrîa mûthenya wa gûtuîrwa ûgaakinya. Tûkaagîa na ûmîrîru nîûndû wata ûrîa Kristû eekariî arî gûkû nthî, nwaguo wanatue twîkariî.

1Joh 4:18

Varîa varî na wendani vatirî guoya. Wendani ûrîa mûkinyanîru nîûrutûrûraga guoya wonthe. Kwoguo mûndû ûrîa wîtigagîra ndethagîrwa arî na wendo mûkinyanîru, nîûndû guoya wîthagîrwa ûvuana na îvera.

1Joh 5:2

Tûmenyaga atî nîtwendete ciana cia Ngai na njîra ya kwenda Ngai, na kwathîkîra maathani make.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

2Joh 1:6

Wendo ûrîa nîraria ûvoro waguo ugaga atî nwanginya tûrûmîrîre maathani ma Ngai. Rîathani rîîrî nî rîrîa mwegwire kuuma wa Kîammbîrîria atî nwanginya muonthe mûtûûre mwendanîte.

Kûguû 12:17

Njûnamatu îo nîyarakarirue mûno nî mûndûmûka ûcio na îkîthiî kûrûa na njiarwa icio ciîngî ciake, nacio nî irîa ciathîkagîra maathani ma Ngai na irî na wîvokeku kûrî ûma ûrîa waguûrirue na njîra ya Jesû.

Kûguû 14:12

Ava varenda ûmîrîru wa andû a Ngai arîa mavingagia maathani make na mevokete Jesû.