1Joh 2:27 - ÎVUKU RÎA ÛVORO MWARO

²⁷ Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

1Joh 2:27 ပူးပေါင်းရင်းမြစ်များ

Nthi 28:5

Andû arîa eki naaî matitaûkagîrwa nî kîvooto, nwatî arîa magoocaga Ngai-Mûnene nîmataûkagîrwa viû.

Alawi 7:35

Icunjî icio ciumîte mategarî ma kûvîvua marîa marutîrîtwe Ngai-Mûnene, nîcio ciamûrirwe inengagîrwe Aroni na avîcî ake mûthenya ûrîa maamûrirwe magîtuîka athînjîri-Ngai.

Ndari 7:43

Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Johana 14:16

Nie nîngûvoya Vava, nake nîakûmûva Mûtethia wîngî nîguo atûûranagie namue tene na tene.

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 16:13

Rîrîa Roho ûrîa wonanagia ûvoro wa ma wa Ngai agaaûka, nîakaamûtongoria maûndûrî monthe ma ma. Ke ndakaaria maûndû na wathani, nwatî akaaria marîa egucaga na amwîre ûvoro wîgiî maûndû marîa magaaûka.

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 6:45

Kwandîkîtwe mavukurî ma arathi atî, ‘Andû onthe nîmakaathomithua nî Ngai!’ Mûndû wa wonthe ûrîa wîgucaga Vava na akethomithia maûndû kuuma kûrî ke nîaûkaga kûrî nie.

1Akor 2:12

Tue tûtiamûkîra roho wa gûkû nthî, nwatî twamûkîre Roho ûrîa umîte kûrî Ngai nîguo tûvotage kûmenya iveo cionthe irîa Ngai atûvete.

1Akor 2:13

Kwoguo tûtiaragia ûvoro wîgiî maûndû mama tûgîtûmagîra ciugo irîa twathomithirue na njîra ya ûûgî wa ûmûndû, nwatî twaragia tûgîtûmagîra ciugo irîa twathomithirue nî Roho. Kwoguo andû arîa marî na roho nîtûmataaragîria ûvoro wa ma wa kîîroho.

2Akor 1:21

Ngai ke mwene nîke ûtûmaga mue mûrî vamwe natue tûgîe na kîîrîgîrîro tûrî ûrûmwe na Kristû. Ngai nîke ûtûthuurîte.

Aefeso 4:21

Nîrî na ma atî nîmwîguîte ûvoro wîgiî Kristû na mûrî ake. Kwoguo nîmûthomithîtue ûma ûrîa ûrî ndaarî ya Jesû.

Akol 2:6

Nîûndû nîmwamûkîre Jesû Kristû, tûûrani mûrî kîndû kîmwe nake mûrî na ûrûmwe na Jesû Kristû, nîûndû mwîetîkîru atî ke nîke Mwathani wenyu.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Ath 4:9

Gûtirî na vata ya kûmwandîkîra ûvoro wîgiî kwenda ariû na aarî a îthe wetû, nîûndû Ngai nîamûthomithîtie ûrîa mwagîrîrwe nî kwendana.

1Tim 2:7

na nîwatûmire nduîke mûtûmwa kûrî andû a ndûrîrî, nîguo mvunjie na nîmathomithie maûndû megiî wîtîkio na ûma. Ûndû ûrîa narîkia kwaria nî wa ma ndirathaana.

1Pet 1:23

Nîûndû na njîra ya kiugo Kîam Ngai kîrîa kîrî mwoyo nîmûciarîtwe rîngî ta ciana cia mûciari ûrîa ûtakucaga, nwatî atûûraga tene na tene.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.

1Joh 3:24

Arîa onthe mathîkagîra maathani ma Ngai matûûraga marî ûûrûmwe na Ngai nake Ngai atûûraga arî ûûrûmwe nao. Tûmenyaga atî Ngai atûûraga arî ûrûmwe natue nîûndû wa Roho ûrîa atûvete.

2Joh 1:2

Nîûndû ûma wîthagîrwa ûrî ndaarî yetû na nîtûtûûra naguo tene na tene.