1Joh 2:26 - ÎVUKU RÎA ÛVORO MWARO

²⁶ Nîramwandîkîra ûvoro wîgiî andû arîa marageria kûmûvîtithia.

1Joh 2:26 ပူးပေါင်းရင်းမြစ်များ

Nthi 12:26

Mûndû mûthingu nîwonagîrîria mûndû ûrîa wîngî njîra, nwatî njîra ya mûndû mwaganu nîîmûvîtithagia.

Ezek 13:10

“Arathi acio nîmavîtithîtie andû akwa makîmeeraga atî kûrî na thayû wa rîrîa gûtarî thayû. Andû akwa matumîte rûthingo na mathiga matarî manyitanu nao arathi makarûvaka rangi ûyû mûcerû.

Maariko 13:22

Nîûndû andû arîa metucaga Mesaya na arîa metucaga arathi nîmakeyumîria na monanie ciama na morirû nîguo kûngîvoteka mavîtithie andû arîa Ngai ethuurîrîte.

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

1Joh 3:7

Ciana ciakwa mûtikanetîkîre kûevenua nî mûndû wana ûrîkû. Mûndû wa wonthe wîkaga maûndû ma ûthingu nî mûthingu wata ûrîa Kristû arî mûthingu.

2Joh 1:7

Aveenania eengî mûno nîmathiîte nthî yonthe. Aya nî andû arîa mataumbûraga atî Jesû Kristû aûkire arî na mwîrî ta mûndû. Mûndû ta ûcio nî wa maveeni na nî nthû ya Kristû.