1Joh 2:19 - ÎVUKU RÎA ÛVORO MWARO

¹⁹ Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

1Joh 2:19 ပူးပေါင်းရင်းမြစ်များ

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Thaburi 37:28

nîûndû Ngai-Mûnene endaga maûndû marîa magîrîru, na ndatiganagîria andû ake arîa evokeku. Agitagîra andû arîa athingu tene na tene, nwatî nîakaathiria njiarwa cia andû arîa aganu.

Thaburi 41:9

Wana mûrata wakwa ûrîa mûnene na ûrîa nevokete mûno, ûrîa twarîcanagîra irio nake, nîangarûrûkîte.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Maariko 13:22

Nîûndû andû arîa metucaga Mesaya na arîa metucaga arathi nîmakeyumîria na monanie ciama na morirû nîguo kûngîvoteka mavîtithie andû arîa Ngai ethuurîrîte.

Luka 8:13

Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Ciîko 15:24

Tue nîtwîguîte atî andû amwe arîa maaumire gîkundirî gîetû nîmaûkîte kûrî mue na makamwîra maûndû ma kûmûthînia na kûmûrakaria mûno. Nwatî tue tîtue twamataarîte meke ûguo.

Ciîko 20:30

Wana nginya gatagatîrî kenyu nîgûkaumîra andû amwe makaaragia maveeni makîgeria kûgucîrîria arutwa nîguo mamarûmîrîre.

Aroma 9:6

Nie ndirauga atî Ngai nîwaregire kûvingia kîîranîro gîake. Nîûndû tî andû onthe a Isiraeli maathuurirwe nî Ngai.

1Akor 11:19

(Gûtirî na nganja atî nwa nginya kûgîe na ngaûkano gatagatîrî kenyu nîguo mûndû avotage kwona cararûkû arîa evokeku gatagatîrî kenyu.)

Gûco 13:13

atî îtûûrarî rîmwe nî kuumîrîte andû matarî kîene na nî maveenereretie andû magooce ngai ciîngî irîa mûtaicî.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

2Tim 3:9

Nwatî matikaavota kûthiî na mbere mûno na maûndû mao nîûndû andû onthe nîmakoona ûrimû wao wata ûrîa moonire wa Jane na Jambare

Ahib 10:39

Tue tûtirî andû arîa macokaga na vuva makaûra, nwatî tûrî andû metîkîtie na avonokie.

2Joh 1:7

Aveenania eengî mûno nîmathiîte nthî yonthe. Aya nî andû arîa mataumbûraga atî Jesû Kristû aûkire arî na mwîrî ta mûndû. Mûndû ta ûcio nî wa maveeni na nî nthû ya Kristû.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.

Juda 1:19

Andû acio nîo matûmaga andû magaûkane. Matongoragua nî merirîria mao ma kîîmwîrî, na matiîthagîrwa na Roho.