1Joh 2:15 - ÎVUKU RÎA ÛVORO MWARO

¹⁵ Mûtikende nthî kana indo irîa ciîthagîrwa irî kuo. Mûndû ûrîa wendete nthî, ndethagîrwa endete îthe wetû.

1Joh 2:15 ပူးပေါင်းရင်းမြစ်များ

Mathaayo 4:8

Nayo Ngoma îo nîyacokire îkîvira Jesû kîrîmarî kîraca mûno na îkîmwonia mothamaki monthe ma nthî, ûnene na ûthaka wamo.

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Luka 16:13

“Gûtirî ndungata îngîvota gûtuîka ngombo ya athani aîrî. Nîûndû nwa yende ûmwe na îkamena ûcio wîngî, kana yathîkîre ûmwe na iire ûcio wîngî. Ndûngîvota gûtungatîra Ngai na ûtungatîre ûtonga.”

Johana 15:19

Mûngîrî a gûkû nthî, andû nwa mamwendete. Nwatî namûthuurire kuuma kûrî andû a gûkû nthî na kwoguo mue mûtirî a gûkû nthî. Kîu nîkîo gîtûmaga andû a gûkû nthî mamûmene.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Agal 1:10

Ndiugaga maûndû mama nîguo ngenie andû nwatî mendaga gûkenia Ngai. Na ethîrwa mendaga gûkenia andû, ndiagîrîrwe nî kwîthîrwa nîrî ndungata ya Kristû.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.

1Joh 3:17

Mûndû angîthîrwa nî mûtongu na one mûrwang'ina kana mwarwang'ina arî na thîna nwatî arege kûmwîguîra ntha, mûndû ûcio nwa ethîrwe endete Ngai?

1Joh 4:5

Arathi acio a maveeni nî a gûkû nthî, kwoguo maragia maûndû ma gûkû nthî. Nao andû a gûkû nthî nîmamathikagîrîria.

1Joh 5:10

Kwoguo mûndû wa wonthe wîtîkagia Mûriû wa Ngai arî na ûira ûyû ngororî yake. Nwatî mûndû wa wonthe ûtetîkîtie Ngai nî atuîte Ngai wa maveeni, nîûndû mûndû ûcio ndetîkanîtie na ûrîa Ngai augîte ûrî ta ûira wîgiî Mûriû wake.