1Joh 2:14 - ÎVUKU RÎA ÛVORO MWARO

¹⁴ Nîramwandîkîra mue andû akûrû nîûndû nîmwîcî ûrîa watûûraga kuuma wa Kîammbîrîria. Nîramwandîkîra mue andû ethî nîûndû mûrî na vinya na Kiugo Kîam Ngai nîgîtûûraga ndaarî yenyu wana nîmûvootete ûrîa mûcûku.

1Joh 2:14 ပူးပေါင်းရင်းမြစ်များ

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Johana 15:7

Ethîrwa mûgekaraga ndaarî yakwa na ciugo ciakwa igekara ndaarî yenyu, ngaamûvecaga kîndû wa kîonthe kîrîa mûkaambîtagia.

Johana 5:38

Mue mûtiîtîkagîra ndûmîrîri yake nîûndû mûtiîtîkagia ûrîa wandûmire.

Johana 8:31

Kwoguo Jesû nîwerire Ayahudi atîrî, “Mwona mwathîkîra ciugo ciakwa, nîmûgûtuîka arutwa akwa.

Johana 8:37

Nie nîmbîcî atî mûrî njiarwa cia Iburahimu. Nwatî mûrenda kûmbûraga nîûndû mûtiîtîkagîra maûndû marîa nthomithanagia.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Afil 4:13

Nwambîke maûndû monthe na njîra ya ûrîa ûmvecaga vinya.

Akol 1:11

Ngai aromûvotithia kûgîa na vinya îrîa yumanaga na ûvoti wa riiri wake, nîguo mûvote kûmîrîria maûndû monthe mûkirîrîtie na mûrî na gîkeno.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.

1Joh 1:1

Tûramwandîkîra ûvoro wîgiî kiugo Kîam mwoyo kîrîa gîtwîre kuo kuuma wa Kîammbîrîria. Kiugo gîkî nîtûkîîguîte, na ma nîtûkîroretie na tûgakîona na metho metû na tûgakînyita na njara cietû.

1Joh 1:10

Tûngiuga atî tue tûtiîvîtie, tûngîtua Ngai mûthaani na kiugo gîake gîtirî ndaarî yetû.

1Joh 2:13

Nîramwandîkîra mue andû akûrû, nîûndû nîmwîcî ûrîa ûtûûraga mwoyo kuuma wa Kîammbîrîria. Nîramwandîkîra mue andû ethî, nîûndû nîmûvootete Ûrîa Mûcûku. Nîramwandîkîra mue ciana ciakwa, nîûndû nîmwîcî Îthe wetû.

2Joh 1:2

Nîûndû ûma wîthagîrwa ûrî ndaarî yetû na nîtûtûûra naguo tene na tene.

3Joh 1:3

Nînîrakenire mûno rîrîa akristiano marakinyire na makîmbîra ûrîa we ûrî mwîvokeku ûvororî wa ma, wata ûrîa ûtûûraga ûvororî ûcio wa ma.

Kûguû 2:3

Mue nîmûmîrîrîtie mûkirîrîrîtie, na mûkanyamarua nîûndû wakwa, na mûtirî mwandiganîria.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.